डिजेल–मट्टितेलको मूल्य १ रुपैयाँले घट्यो, हवाई इन्धनमा वृद्धि

नेपाल आयल निगमले भारतबाट आएको नयाँ खरिद मूल्यअनुसार डिजेल र मट्टितेलको मूल्य प्रतिलिटर १ रुपैयाँले घटाउने निर्णय गरेको छ। अब पहिलो वर्गमा डिजेलरमट्टितेल १४३ रुपैयाँ ५० पैसा, दोस्रो वर्गमा १४५ रुपैयाँ र तेस्रो वर्गमा १४६ रुपैयाँ पर्नेछ। नयाँ मूल्य आइतबार राति १२ बजेदेखि लागू हुनेछ।

यता, हवाई इन्धनको मूल्य भने बढेको छ। आन्तरिक उडानका लागि हवाई इन्धन प्रतिलिटर ६ रुपैयाँ बढेर १३४ रुपैयाँ अमेरिकी डलर पुगेको छ। अन्तर्राष्ट्रिय उडानमा काठमाडौंका लागि मूल्य प्रति किलोलिटर ४२ डलरले बढाइएको निगमले जनाएको छ।

पेट्रोल र एलपी ग्यासको मूल्य भने यथावत राखिएको छ।