मधेश प्रदेशमा सरकार गठन गर्न सात दलले आज दाबी पेश गर्दै

जनकपुर । मधेश प्रदेश सरकार गठनका लागि सात राजनीतिक दलले गठबन्धनसहित आज दाबी पेश गर्ने भएको छ ।

प्रदेश प्रमुख सुरेन्द्र लाभ कर्णले आज बेलुकी ५ बजे सम्म दाबी पेस गर्न समय दिएकोमा गठबन्धनको तर्फबाट दिउँसो २ बजे दाबी पेश गर्ने जसपा नेपालका सांसद एवम् पूर्व मुख्यमन्त्री सरोज कुमार यादवले जानकारी दिए ।

मुख्यमन्त्रीको टुङ्गो लागिसकेको छ आज २ बजे दाबी पेश गर्न जान्छौ, उनले भने । सात राजनीतिक दलको गठबन्धनमा जनमत पार्टी, नेकपा एस, नेकपा माओवादी केन्द्र, जसपा नेपाल, लोसपा, नेपाली कांग्रेस, नागरिक उन्मुक्ति पार्टी रहेको छ ।

लोसपाले मुख्यमन्त्री पाए काँग्रेसले सभामुख पाउने जसपा निकट स्रोतको भनाई छ ।