वराहक्षेत्रका मेयर कार्की , जो विकासका योजनामा राख्दैनन् आग्रह पूर्वाग्रह 

वराहक्षेत्र । स्थानीय तहका जनप्रतिनिधिहरूलाई जनताले मिलेर काम गर्नुस् भनेर निर्वाचित गरेर पठाएका हुन्छन् । स्थानीय तहमा सरकार पक्ष वा प्रतिपक्ष पनि हुँदैन । तर पनि धेरै स्थानीय तहका जनप्रतिनिधिहरू बिच राजनैतिक आग्रह पूर्वाग्रहका कारण बेमेल हुने गरेको छ । धेरै स्थानीय तहको कार्यपालिका बैठकहरू राजनैतिक कारणले अवरोध हुने स्थगित हुने गर्दछ । स्थानीय तहमा निर्वाचित प्रमुखलाई  आफू निकट र आफ्नो पार्टीबाट निर्वाचित प्रतिनिधिहरू केन्द्रित योजना र बजेट उपलब्ध गराउने गरेको भनेर  आरोप लाग्ने गर्दछ । केही पालिकामा त झन् प्रमुखसङ फरक दलबाट निर्वाचित प्रतिनिधिहरूको  बोलचाल बन्द हुने समेत गरेको छ । विकासका योजना लगाएका विषयमा अझ कार्यपालिकामा प्रमुखले पेलेर जाने गरेको समेत धेरै पालिकामा उप-प्रमुख , वडाध्यक्ष तथा कार्यपालिका सदस्यहरूले गुनासो गर्ने गर्दछन् । तर , सुनसरीको वराहक्षेत्र नगरपालिकाका मेयर रमेश कार्कीले विकास लगाएका अन्य स्थानीय सरकारको  योजनामा राजनैतिक आग्रह , पूर्वाग्रह नराखी काम गर्ने गरेका छन् । हाल सङ्घीय राजधानी काठमाडौँ पुगेका नगर प्रमुख रमेश कार्की आफू भन्दा फरक दलबाट निर्वाचित वडा नं १,२ र ४ का वडाध्यक्ष लिएर विभिन्न मन्त्रालय पुगेर योजना का लागि बजेट मागी रहेका छन् । शुक्रवार नगर प्रमुख रमेश कार्की नेतृत्वमा वडा नं १ का अध्यक्ष किसन मगर , वडा नं २ का अध्यक्ष होम गौतम , वडा नं ४ का अध्यक्ष आशाराम चौधरीको टोलीले सिंहदरबार स्थित शिक्षा , विज्ञान तथा प्रविधि मन्त्रालय ,  सहरी विकास मन्त्रालयमा पुगेर माननीय मन्त्री ज्युसङ योजनाकलालागि बजेका लागि प्रस्ताव पेस गरेको नगर प्रमुख को सचिवालयले जानकारी दिएको छ । शुक्रवार नै ललितपुर स्थित  प्रतिनिधि सभा सदस्य पूर्व मन्त्री माननीय ज्ञानेन्द्रबहादुर कार्कीको निवासमा पुगेर टोलीले योजनाका लागि पहल गरिदिन आग्रह गरेको छ । टोलीले मन्त्रालयका सचिव , विभागका निर्देशकहरुसंग समेत योजनाको विषयमा छलफल गरेको थियो । सप्तकोसी नदिमा झोलुङ्गे पुल , चतरारसुर्यकुण्ड स्तरीय सडक निर्माण , चतरा कोशी पुलदेखि वराहक्षेत्र मन्दिरसम्मको सडकलाई स्तरोन्नति , बाङ्गेदेखि नडाह, धरानसम्मको सडक कालोपत्रे योजना , बाघ खोला र बगुवा खोलामा निर्माणाधीन पुल योजना , नगरपालिकालाई नयाँ सहर बनाउने योजना , चतराधाममा आयोजना हुने कुम्भ मेला , विद्यालय , क्याम्पसको भवन , स्तरोन्नति लगायत निर्माणाधीन योजना र थप योजनाका विषयमा छलफल तथा योजनाकलालागि पहल गरेको नगर प्रमुख रमेश कार्कीले बताए ।  कोशी कटान नियन्त्रण , जङ्गली जनावरको त्रास  , कृषि सडक , भौतिक पूर्वाधार लगाए विषयमा योजना पेस गरेको नगर प्रमुख कार्कीले बताए । वराहक्षेत्र विकासको विषयमा राजनैतिक आग्रह पूर्वाग्रह आफूसँग नरहेको र गर्न नहुने नगर प्रमुख कार्कीको भनाई छ । नगरपालिकाको प्रमुखको जिम्मेवारी लिए पछिको पछिल्लो पटक बसेको करिब ३० वटा कार्यपालिकाको बैठकमा सम्पूर्ण निर्णयहरू सर्वसम्मत गराएका छन् । कुनै पनि कार्यपालिकाको निर्णयमा कार्यपालिका सदस्यहरूले फरक मत राखेका छैनन् । २१ जना सदस्य रहेको कार्यपालिकामा नगर प्रमुख रमेश कार्की सहित नेपाली काँग्रेसको  १३ जना सदस्य , उप प्रमुख सहित नेकपा एमालेको ४ जना , नेकपा माओवादीको २ जना , जनता समाजवादी पार्टी र नेकपा एकीकृत समाजवादीको १ १ जना सदस्य रहेका छन् ।