सर्त नमानेपछि आफूलाई धम्कीपूर्ण भाषाको म्यासेज आएको रौनियारले बयानमा उल्लेख गरेका छन् । ‘सर्त नमानेपछि मेरो मोबाइलमा म्यासेज पठाएर भनेको मान्ने कि नमान्ने ? नमानेको खण्डमा ‘केही भइजाला’ यसको जवाफदेहिता तपाईंले लिनुपर्छ भनी मेरो मोबाइल नम्बर ९८४२०४५८०० मा धम्कीपूर्ण भाषा प्रयोग गरी म्यासेज पठाएपछि सोको उजुरी मिति २०८१–०७–०६ गते संस्थाका ९ जना सञ्चालकसहितले प्रधानमन्त्री कार्यालय, सहकारी विभाग, अख्तियार दुरुपयोग अनुसन्धान आयोग, सोको दर्ता नं सि–०२४८५८ मिति २०८१–०७–०६ गते, त्यसै गरी सम्पति शुद्धीकरण विभागमा सोही मितिमा दर्ता गरेका थियौं,’ उनले भनेका छन् ।उनले प्रधानमन्त्री तथा मन्त्रिपरिषद् कार्यालय, सहकारी विभाग, भूमि व्यवस्था, कृषि तथा गरिबी निवारण मन्त्रालयलाई पनि खत्रीले ३ लाख मागेको विषयमा पत्र पठाएको बयान दिएका छन् । खत्री ‘अडिटर’ पनि हुन् । प्रदेश सहकारी रजिष्ट्रारको जिम्मेवारी पाउनुअघि खत्रीले विभिन्न संस्थाको ‘अडिट’ गरेका थिए । ‘सहकारी डुब्न थालेपछि उहाँ (खत्री)ले अडिट गरेको जानकारी छैन । त्यसअघि उहाँले अरुको नाममा सहकारी संस्थाको ‘अडिट’ गर्नुहुन्थ्यो । पछिल्लो समय चाहिँ ‘अडिट’ गरेको जानकारी छैन । पहिले चाहिँ निक्कै गर्नुहुन्थ्यो,’ उनी निकट एक लेखापरीक्षकले भने । प्रदेश सहकारी रजिष्ट्रार खत्री रौनियारले आफूमाथि लगाएको आरोप निराधार भएको बताउँछन् । उनले रौनियालाई म्यासेज गरेको चाहिँ स्वीकार गरे । सहकारीमा समस्या देखिएपछि छलफलका लागि बोलाउँदा नआएपछि म्यासेज गरेको उनको भनाइ छ । उमागौरीको समस्या समाधानका लागि रजिष्ट्रार कार्यालयमा ४ पटक छलफल भएको जानकारी खत्रीले दिए । कार्यालयबाट अनुगमनमा जाँदा पनि सहकारीको कागजात नभेटिएको उनले बताए । ‘बाहिर हुन्जेल मान्छेलाई ढाँटिरहे, चेक बाउन्स केसमा थुनामा परेपछि सहकारीको केस यहाँ ९सहकारी रजिष्ट्रारमा० आयो । छलफल गरियो । सीडीओ कार्यालयमा पत्र पठाइयो । सम्पर्क गर्दा फोन नउठाएपछि सदस्यलाई दिनुपर्ने पैसा कहिलेसम्म दिनुहुन्छ । दिनसक्नु हुन्न भने फरक तरिकाले हुन्छ भन्ने कुरा एसएमएस पठाएको थिएँ । त्यसलाई भजाएर मसँग पैसा माग्यो भन्दै ‘इस्यू’ बनाएछन्,’ खत्री भन्छन् । सहकारीका अध्यक्ष रौनियारसहित २६ जनालाई प्रतिवादी बनाएर सहकारीको रकम अपचलन मुद्दा जिल्ला सरकारी वकिल कार्यालय मोरङले मंसिर २७ गते अदालतमा दर्ता गरेको थियो । मुद्दामा रौनियारसहित संघीय संसदको सार्वजनिक लेखा समितिका सभापति ऋषिकेश पोखरेलकी पत्नी अन्जला कोइराला, रंगेली नगरपालिका–२ का वडाध्यक्ष सन्तलाल खवास, धनपालथान गाउँपालिका–४ का पूर्ववडाध्यक्ष रोशन चौधरीलगायत प्रतिवादी छन् । सहकारीको हिनामिना भएको २२ करोड ४८ लाख २७ हजार ७ सय रुपैयाँ बिगो मागदाबीसहित मुद्दा दर्ता गरिएको थियो । मुद्दाको अनुसन्धानका क्रममा पूर्ववडाध्यक्ष चौधरी मात्रै पक्राउ परेका थिए । अदालतले पुर्पक्षका लागि थुनामा राख्न आदेश दिएपछि उनलाई कारागार चलान गरिएको थियो । गत पुस २४ गते अदालतमा उपस्थित भएकी अञ्जला अदालतले धरौटीबापत माग गरेको १० लाख रूपैयाँ बुझाएर छुटेकी थिइन् । वडाध्यक्ष खवास ५ लाख धरौटी बुझाएर छुटे ।
प्रदेश खबर
प्रतिक्रिया