महायज्ञको नाममा दलितको घर भत्काइएको प्रकरण : गाउँपालिका अध्यक्षसहित पक्राउ

सिराहा : महायज्ञका लागि भन्दै सिराहाको औरही गाउँपालिकाका ५ का दीपक मल्लिकको घर भत्काएको आरोपमा त्यहाँका गाउँपालिकाका अध्यक्ष शिवजी यादव र पूर्ववडाध्यक्ष दिलिप यादवलाई प्रहरीले पक्राउ गरेको छ । अगामी चैत १७ गतेदेखि सुरु हुने महायज्ञ स्थलमा रहेको मल्लिकको घरमा फाल्गुन १० गते डोजर लगाएर बजरंगी बाबाको सल्लाहमा गाउँपालिका अध्यक्ष यादवले भत्काएका थिए । [caption id="attachment_93047" align="alignnone" width="1200"] पालिका अध्यक्ष र पूर्ववडाध्यक्ष[/caption] यस अघि सोही प्रकरणमा सिराहाका प्रमुख जिल्ला अधिकारी बासुदेव दाहाललाई गृह मन्त्रालयमा तानिएको छ । उनको स्थानमा कपिलवस्तुका प्रमुख जिल्ला अधिकारी विश्वप्रकाश अर्याललाई सिराहा पठाइएको गृह मन्त्रालयले जनाएको छ । महायज्ञको मण्डप वरिपरि दलितहरू बस्न नहुने भन्दै मलिकको घर भत्काइएको थियो । त्यसक्रममा दलित समुदायले टेकेको जमिन अपवित्र हुने भन्दै माटोसमेत खनेर फालिएको गुनासो उठेको छ । घटनाको गम्भीरताका कारण गृहमन्त्री रमेश लेखकले यस विषयमा स्वतन्त्र र निष्पक्ष छानबिन गर्न प्रहरीलाई निर्देशनदिइसकेका छन् । यो पनि : https://pradeskhabar.com/?p=92654