‘ए’ डिभिजन लिगमा एपीएफले जावलाखेललाई हरायाे

काठमाडाै । शहीद स्मारक ‘ए’ डिभिजन लिग फुटबलमा सशस्त्र प्रहरीको एपीएफ क्लबले जावलाखेल युथ क्लबलाई हराएको छ । आज दशरथ रङ्गशालामा भएको पहिलो खेलमा एपीएफले जावलाखेललाई २–० गोलले हराएको हो । एपीएफको जितमा अर्मान्ड बिडोम र आभाष लामिछानेले एक/एक गोल गरे । बिडोमले खेलको २३औँ मिनेटमा र लामिछानेले पहिलो हाफको इन्जुरी समयमा गोल गरे । खेलको ८६औँ मिनेटमा मैदानभित्र झगडा भएपछि एपीएफ र जावलाखेल दुवै टोली १० खेलाडीमा समेटिएका थिए । जितसँगै एपीएफको २२ खेलमा २९ अङ्क भएको छ । समान खेलमा जावलाखेलको ३४ अङ्क छ ।