खानेपानी कार्यालयका सुरक्षागार्डको हत्या

विराटनगर । मधे्श प्रदेशको सिरहास्थित साना सहरी खानेपानी तथा सरसफाइ कार्यालयका सुरक्षा गार्डको हत्या भएको छ । सिरहाको मिर्चैयास्थित खानेपानी कार्यालयमा ८ महिनादेखि कार्यरत स्थानीय किशोरी रायको घाँटी रेटेर हत्या भएको हो । सोमबार बिहान संस्थाका सचिव डिकाराम पोखरेल कार्यालय पुग्दा रायलाई रगताम्मे अवस्थामा देखेपछि प्रहरीलाई खबर गरेका थिए । प्रहरी टोली पुगेर बुझ्दा उनको मृत्यु भइसकेको पाइएको इलाका प्रहरी कार्यालयका डीएसपी जितेन्द्र बस्नेतले जानकारी दिए । उनको घाँटीमा धारिलो हतियार प्रहार गरी हत्या भएको उल्लेख गर्दै घटनाबारे अनुसन्धान भइरहेको प्रहरीले जनाएको छ ।