४००० विपन्न परिवारलाई सहाराले बनाइदियो घर

झापा । ‘सामाजिक रुपान्तरण र विकासका लागि’ भन्ने मूल नारासहित स्थापित सहारा नेपालले विपन्नहरुका लागि चार हजार घर निर्माण गरेको छ । देशभर कार्य क्षेत्र रहे पनि सहारा नेपालले ३४ वटा जिल्लामा कार्यसम्पादन गरिसकेको र संस्थाले ६६ वटा परियोजना सम्पन्न गरेको संस्थाका सचिव महेन्द्रकुमार गिरीले बताए । संस्थाको २८औं वार्षिक उत्सवका अवसरमा सहारा नेपालको केन्द्रीय कार्याालयमा आयोजित कार्यक्रममा संस्थाले गरेका गतिविधिका विषयमा संस्थाका सचिव गिरीले जानकारी गराएका थिए । संस्थाले जलवायु परिर्वतन, सामुदायिक स्वास्थ्य तथा सरसफाई, विपन्न आवास, स्वरोजगार तथा उद्यमशीलता, जिविकोपार्जन, सौर्य उर्जा, सरकारसँग साझेदारी, वित्तीय पहुँच, संस्थागत विकासका लागि सामाजिक व्यवसाय, कृषिको दिगो विकास लगायतका योजनाहरुमा रहेर ६६ वटा परियोजना सम्पन्न गरिसकेको बताइएको छ । संस्थासँग साझेदारी गर्दै आएको ह्याविट्याड फर ह्युमानिटीलाई सोही समारोहकाबीच सम्मान गरिएको छ । त्यस्तै एक्सन अगेन्स एसीएफकी नेपालका लागि कन्ट्री डाइरेक्टर ओजश्वी आचार्यसहित उत्कृष्ठ कर्मचारी दिपक लेखी, संस्था स्थापनामा संस्थामा आवद्ध सुनिता हास्दालाई सम्मान गरिएको थियो । राष्ट्रिय सभा सदस्य गोपालकुमार बस्नेतको प्रमुख आतिथ्य तथा संस्थाका अध्यक्ष भरतकुमार गिरीको अध्यक्षतामा भएको थियो । संस्थाका कोषाध्यक्ष श्यामकुमार प्रधान स्वागत गरेको कार्यक्रमको सञ्चालन व्यवस्थापक मातृका सुवेदीले गरेका थिए । त्यसैगरी विशेष कक्षा सञ्चालन गर्ने दुई वटा सामुदायिक विद्यालयलाई नगद सहयोग गरिएको छ । बिर्तामोड–९ मा रहेको गरामनीस्थित दुर्गा मावि र कनकाई–८ मा रहेको हिमाली माविलाई नगद २५ हजार सहयोग गरिएको हो । संस्थाले वडा दशैंको अवसरमा शुभकामना आदनप्रदान गरिएको कार्यक्रममा सहारा साकोस शिक्षा सदनका विद्यार्थीले नृत्य प्रस्तुत गरेका थिए । यसैबीच नवनिर्वााचित कार्यसमितिलाई प्रमाणपत्र वितरण गरिएको थियो । निर्वाचन समिति संयोजक दिपेन्द्र भट्टराईले संस्थामा निर्वाचित सबै पदाधिकारीलाई प्रमाणपत्र प्रदान गरेका थिए । संस्थाको हालै सम्पन्न अधिवेशनबाट अध्यक्षमा भरतकुमार गिरी, उपाध्यक्ष सोमनाथ तिम्सिना, सचिव महेन्द्रकुमार गिरी, सहसचिव लालबहादुर गिरी, कोषाध्यक्ष श्यामकुमार प्रधान निर्वाचित भएका थिए । कार्यसमिति सदस्यमा बेनुराज सुवेदी, कमला थपलिया, पुनम सुवेदी, हेमराज गिरी, ध्यानबहादुर भारती, फणिन्द्रराज भण्डारी, महेश शाह, उर्मिला श्रेष्ठ, कल्पना विक, उषा रोक्का निर्वाचित भएका छन् । त्यस्तै दुर्गाप्रसाद भण्डारीको संयोजकत्वमा अनुगमन समिति, युवराज निरौलाको संयोजकत्वमा सूचना एवम् सञ्चार, कृष्णकुमार गिरीको संयोजकत्वमा लेखा समिति चयन भएको हो । लेखा समितिमा प्रेमप्रसाद उप्रेती सदस्य रहेका छन् । कार्यक्रममा झापाका सहायक प्रमुख जिल्ला अधिकारी रुद्र न्यौपाने, बिर्तामोड नगरपालिकाका उपप्रमुख नगेन्द्रप्रसाद संग्रौला, मानव अधिकार सञ्जाल झापाका अध्यक्ष डा. रुपक खनाल, पत्रकार महासंघ झापाका अध्यक्ष एकराज गिरी लगायत जिल्लाका विभिन्न संघ– संगठनका विशिष्ट व्यक्तित्वको सहभागिता रहेको थियो ।