छुटको अफरसहित श्रीजा अटोमोबाइल्स विराटनगरमा एक्सचेन्ज एण्ड टेस्ट ड्राइभ क्याम्पको शुभारम्भ हुँदै

विराटनगर : साङ्ग्रिला मोटर्स प्रालिले आफ्नो अधिकारिक वितरक श्रीजा अटोमोबाइल्स प्रालिले विराटनगरमा आफ्नो विशेष एक्सचेन्ज र टेस्ट ड्राइभ क्याम्पको शुभारम्भ गर्ने भएको छ । माघ १६ गते देखि माघ १९ गते सम्म कञ्चनजङ्घा बैंक्वेट, गोघ्रा चोक, विराटनगरमा क्याम्पको आयोजना हुने भएको हो । यस क्याम्पमा ग्राहकहरूले लिपमोटर सी १० र सिट्रोन ई. सी ३ जस्ता अत्याधुनिक विद्युतीय सवारी साधनको अनुभवका साथै उत्कृष्ट एक्सचेन्ज अफर र वित्तीय सम्झौताहरू पाउने कम्पनीले जनाएको छ । कम्पनीका अनुसार लिपमोटर सि १० नयाँ पुस्ताले रुचाएको विद्युतीय सवारी साधन हो । जसको स्लीक डिजाइन र शक्तिशाली प्रदर्शनले उत्कृष्ट ड्राइभिङ अनुभव प्रदान गर्ने कम्पनीको दाबी छ । जसमा स्मार्ट प्रविधिको सुविधाहरू समेत रहेका छन् । यस्तै, सिट्रोन ई. सी ३ उच्चतम् प्रविधिको प्रयोग गरेर विकास गरिएको छ । जसले कार्यकुशलता, स्टाइल र आरामलाई एक समर्पित विद्युतीय सवारी साधनमा एकत्रित गरेको छ । जुन आधुनिक चालकहरूको लागि डिजाइन गरिएको कम्पनीले जनाएको छ। यी दुवै सवारी साधनहरूले स्वच्छ र दिगो यातायातको भविष्यलाई प्रस्तुत गर्छन्, जसले ग्राहकहरूलाई वातावरणमैत्री र दिगो यात्रा गर्नको लागि अवसर प्रदान गर्दछ। कार्यक्रमका आगन्तुकहरूलाई विद्युतीय सवारी साधनहरू टेस्ट ड्राइभ गर्न र विशेष छुट जस्ता अवसरहरू प्राप्त हुनेछन्, साथै निःशुल्क ७ किलोवाटको चार्जर पनि प्राप्त गर्न सक्नेछन् । यस क्याम्पबाट विराटनगर लगायत कोशी प्रदेशका ग्राहकहरूले विद्युतीय सवारी साधनहरूको नवीनतम् प्रविधि सगँ साक्षात्कार गर्ने र बजारमा उपलब्ध सबैभन्दा राम्रो अफरहरूको फाइदा उठाउने अवसर प्राप्त गर्नेछन् । श्रीजा अटोमोबाइल्स एक्सचेन्ज एण्ड टेस्ट ड्राइभ क्याम्प सवारी साधनलाई अपग्रेड गर्ने र दिगो ड्राइभिङको भविष्यतर्फ लाग्ने उत्तम अवसर समेत रहेको आयोजकले जनाएको छ । साङ्ग्रिला मोटर्स प्रालि गोल्छा अर्गनाइजेसनको सदस्य हो । अटो मोबाइल उद्योगमा विश्वासिलो नामका रूपमा, श्रीजा अटोमोबाइल्सले ग्राहकका आवश्यकताहरूलाई सम्बोधन गर्ने सवारी साधनहरू उपलब्ध गराउँदै आएको छ । साथै, टेस्ट ड्राइभ बुक गर्नको लागि कम्पनीमा सम्पर्क गर्न सकिने बताइएको छ ।