भारत भ्रमण उपलब्धिमूलक रह्यो, विद्युतका बारेमा पनि कुरा गरेँ ः परराष्ट्र मन्त्री

शुक्रबार, ०८ चैत्र २०८१
काठमाडौँ । परराष्ट्र मन्त्री आरजु राणा देउवा ११ दिने औपचारिक भारत भ्रमण सकेर स्वदेश फिर्ता भएकी छिन् । शुक्रवार त्रिभुवन अन्तर्राष्ट्रिय विमानस्थलमा पत्रकार सम्मेलन गर्दै उनले आफ्नो भारत भ्रमणबारे जानकारी गराउँदै भारतमा हुँदा हाल नेपालमा देखिएको विद्युत् अभावको समाधानको लागि पनि कूटनीतिक प्रयास गरेको बताइन् । उनले भनिन्,‘भारतमा हुँदा मैले हाल नेपालमा देखिएको विद्युत् अभावको समाधानको लागि पनि कूटनीतिक प्रयास गरेँ । भ्रमणका क्रममा भएको दुई पक्षीय भेटवार्ताको क्रममा मानव अधिकार परिषद्मा नेपालको २०२७ देखि २०२९ संयुक्त राष्ट्रसङ्घीय आर्थिक तथा सामाजिक परिषद्मा २०२९ देखि २०३१ तथा संयुक्त राष्ट्र सङ्घको सुरक्षा परिषद्मा २०३७देखि ०३८ का लागि नेपालले दिएको उमेद्वारीबारेपनि नेपालको समर्थनका लागि आग्रह गरेको छु । प्रतिक्रिया पनि सकारात्मक आएको छ ।’ उनले भारतको विदेश मन्त्रालयको सहयोगमा ओआरएफले आयोजना गरेको राइसिना डायलगमा सहभागी भएको पनि जानकारी गराइन । डायलगको क्रममा उनले भारतीय विदेश मन्त्री डा।एस जयशंकरसँग पनि भेटवार्ता गरेकी थिइन् । उनी मार्च १० तारिख भारत भ्रमणमा गएकी थिइन् । राइसिना डायलगमा सहभागी हुनुअघि उनी भारतको झारखण्डस्थित बाबा वैद्यनाथ धाममा पुगेर पूजाआजा समेत गरेकी थिइन् ।  

प्रतिक्रिया

प्रदेश खबर
लेखकको बारेमा
प्रदेश खबर

सम्बन्धित समाचार