आजबाट सुरु हुँदै आइपिएल, उद्घाटन खेल कोलकोत्तामा

काठमाडौँ । इन्डियन प्रिमियर लिग (आइपिएल) शनिवारबाट सुरु हुँदै छ। आजबाट सुरु हुने खेलमा १० वटा टिमले प्रतिस्पर्धा गर्दैछन भने प्रतियोगिताको उद्घाटन समारोह कोलकातास्थित इडन गार्डेनमा हुनेछ। उद्घाटन खेलमा कोलकाता नाइट राइडर्स  (केकेआर) र रोयल च्यालेन्जर्स बैंगलुरु (आरसीबी) बिच पहिलो प्रतिस्पर्धा हुनेछ । शाहरूख खानको कोलकाताले घरेलु मैदानमा आफ्नो भारी समर्थकका बिचमा विराट कोहलीको टिम आरसीबी बिचमा भव्य प्रतिस्पर्धा हुनेछ । यस प्रतियोगितामा जम्मा ७४ वटा खेल हुनेछन्। यस पटक आइपिएल भारतका २३ वटा राज्यका ५० वटा सहरमा आयोजना हुनेछ। यो संस्करणको आइपिएल १० हप्ता लामो हुनेछ।