बेलबारी नगरपालिकाको १ अर्ब ९ करोडको बजेट प्रस्ताव

बेलबारी : मोरङको बेलबारी नगरपालिकाले आगामी आर्थिक वर्ष २०८२-०८३ का लागि १ अर्ब ९ करोड ४५ लाख ४७ हजार रुपैयाँको बजेट प्रस्ताव गरेको छ। १७ औँ नगरसभा अधिवेशनमा नगरपालिकाकी उपप्रमुख नितु थापा कोइरालाले आगामी वर्षको नीति, कार्यक्रम तथा बजेट प्रस्तुत गरेकी हुन् । 

उपप्रमुख कोइरालाका अनुसार बजेटले समानुपातिक विकास, सेवा प्रवाहको सुदृढीकरण र पूर्वाधार निर्माणलाई प्राथमिकता दिएको छ। उनले स्थानीय स्रोतको परिचालन, बजेटको पारदर्शिता र दिगो विकासका सिद्धान्तमा आधारित रहेर कार्यक्रम तय गरिएको जानकारी दिइन्।

नगरसभामा प्रस्तुत बजेटमा शिक्षा, स्वास्थ्य, कृषि, वातावरण, सडक तथा रोजगारमुखी कार्यक्रमहरूलाई समेत विशेष प्राथमिकतामा राखिएको जनाइएको छ।