प्रधानमन्त्री ओलीको तराई भ्रमणः हेलिकप्टरबाट सुख्खाग्रस्त क्षेत्रको स्थलगत अवलोकन

इटहरी : प्रधानमन्त्री केपी शर्मा ओलीले शुक्रबार तराईका सुख्खाग्रस्त क्षेत्रहरूको स्थलगत अवलोकन गर्दै किसानहरूसँग भेट गर्ने कार्यक्रम रहेको जानकारी दिएका छन् । 

सामाजिक सञ्जालमार्फत सन्देश दिँदै प्रधानमन्त्री ओलीले अहिले आफू तराईका सुख्खाग्रस्त क्षेत्रको अवस्था अवलोकन गरिरहेको र केहीबेरमै प्रभावित किसानहरूसँग प्रत्यक्ष भेटवार्ता हुने जानकारी गराएका हुन् । 

प्रधानमन्त्री ओलीले सुख्खाका कारण पीडित बनेका किसानहरूको राहत तथा सहायताका लागि सरकारले केही दिनअघि नै विशेष निर्णय गरिसकेको उल्लेख गरे । 

प्रधानमन्त्रीको भ्रमणसँगै सरकारका तर्फबाट राहत कार्यक्रमको तयारी तीव्र पारिएको जनाइएको छ ।