‘मिस नेपाल २०२५’ को उपाधि लुना लुँइटेललाई

काठमाडौं : ‘मिस नेपाल २०२५’ को उपाधि लुना लुँइटेलले जितेकी छिन्। शनिबार ललितपुरको गोदावरीस्थित सनराइज कन्भेन्सन सेन्टरमा सम्पन्न फिनालेमा ‘द हिडन ट्रेजर’ले लुँइटेललाई यसवर्षको मिस नेपाल घोषणा गरेको हो।

मुलुकका विभिन्न सहरमा आयोजना गरिएको अडिसनमार्फत छनोट भएका २६ जना प्रतिस्पर्धीबीच अन्तिम प्रतिस्पर्धा भएको थियो। सोही प्रतिस्पर्धाबाट लुँइटेल विजेता बनेकी हुन्।

मिस नेपाल विजेता लुँइटेलले आगामी एक वर्ष विभिन्न सामाजिक अभियानमा संलग्न हुने र अन्तर्राष्ट्रिय सौन्दर्य प्रतियोगितामा नेपालको प्रतिनिधित्व गर्नेछिन्।