डोनाल्ड ट्रम्पले हात पार्न कडा लबिङ गरेको नोबेल शान्ति पुरस्कार भेनेजुएलाकी मारियालाई

नर्वेजियन नोबेल समितिले मारिया कोरीना माचाडोलाई पुरस्कार प्रदान गर्ने निर्णय गरेको हो । ‘बढ्दो अन्धकारको विरुद्ध लोकतन्त्रको ज्योति बलिरहने’ काममा सहयोग गरेको उल्लेख गर्दै उनलाई नोबेल पुरस्कार प्रदान गरिने भएको हो ।  

शुक्रबार ओस्लोमा आयोजित एक समारोहमा पुरस्कारको घोषणा गर्दै, समितिले माचाडोको ‘तानाशाहीबाट लोकतन्त्रतर्फ न्यायपूर्ण र शान्तिपूर्ण रूपान्तरणको लागि संघर्ष’ को प्रशंसा गर्‍यो।

भेनेजुएलाका जनताको लोकतान्त्रिक अधिकारको प्रवर्द्धनका लागि गरिएको उनको निरन्तर प्रयास र तानाशाहीबाट लोकतन्त्रमा न्यायपूर्ण र शान्तिपूर्ण रूपान्तरणको लागि गरिएको संघर्षको कारण प्रदान गरिएको सामाजिक सञ्जाल एक्समा एक्समा नोबेल समितिले उल्लेख छ ।

मारिया कोरीना माचाडो भेनेजुएलाकी विपक्षी नेतृ हुन्। उनी गएको वर्षको राष्ट्रपति चुनावमा उम्मेदवारी दिनबाट रोकिएकी थिइन्, जुन चुनावलाई अन्तर्राष्ट्रिय रूपमा न स्वतन्त्र न निष्पक्ष भनेर व्यापक रूपमा खारेज गरिएको थियो ।  

नोबेल शान्ति पुरस्कारबाट चुके ट्रम्प  

नोबेल शान्ति पुरस्कारका लागि कडा प्रयास र लबिङ गरे पनि डोनाल्ड ट्रम्प यसपटक बञ्चित भएका छन् । नोबेल शान्ति पुरस्कार पाउने ट्रम्पको मनोकांक्षा पूरा भएको छैन ।  

नर्वेजियन नोबेल समितिले पुरस्कार भेनेजुएलाकी विपक्षी नेतृ मारिया कोरिना माचाडोलाई प्रदान गरेपछि ट्रम्पको मनोकांक्षा अधुरै रहेको हो ।  

नोबेल समितिको भूमिकाअनुसार शान्ति पुरस्कार त्यस्ता व्यक्ति वा समूहलाई दिइन्छ जसले राष्ट्रहरूबीच भाइचारा प्रवर्द्धनमा उल्लेखनीय योगदान पुर्‍याएका छन्, जुन अल्फ्रेड नोबेलको इच्छाअनुसार तय गरिएको हो।