इनरुवामा मोटरसाइकल बिद्युत् पोलमा ठोक्किँदा एक जनाको मृत्यु

इनरुवा । सुनसरीको इनरुवामा बिद्युत् पोलमा मोटरसाइकल ठोकिएर भएको दुर्घटनामा एक जनाको मृत्यु भएको छ । 

इनरुवा नगरपालिका वडा नम्बर २ मा इनरुवा देवानगंज सडक खण्डमा  भूमिसुधार कार्यालय कार्यालय नजिक को ७ प ४९०५ नम्बरको मोटरसाइकल बिद्युत् पोलमा ठोकिदा चालक  इनरुवा नगरपालिका वडा नम्बर १० जल्पापुरका हारून अन्सारीको मृत्यु भएको हो । 

हेल्मेट नलगाई अन्सारीले चलाएको मोटरसाइकल बिद्युत् पोलमा ठक्कर खाँदा अन्सारी गम्भीर घाइते भएका थिए । घाइते अन्सारीलाई प्रहरीले उपचारका लागि इनरुवा अस्पताल लगेको थियो । दुर्घटनाका कारण अत्याधिक रक्तस्राव भएर गम्भीर बनेका अन्सारीलाई अस्पताल पुर्‍याएपछि चिकित्सकले मृत घोषणा गरेको सुनसरी प्रहरीले जनाएको छ ।  अन्सारीले चलाएको मोटरसाइकलका कतिपय पार्टहरू दुर्घटना स्थल नजिक उछिटिएको  थियो ।