श्री प्राणनाथ अस्पतालको निर्माणकार्य पचास प्रतिशत सम्पन्न

इटहरी उपमहानगरपालिका वडा नम्वर ४ मा रहेको मुक्तिधाममा निर्माणाधिन श्री प्राणनाथ अस्पतालको काम पचास प्रतिशत सम्पन्न भएको छ । निर्माणको काम पचास प्रतिशत सम्पन्न भएसँगै अब पचास प्रतिशत बाँकी रहेको अस्पताल निर्माण तथा व्यवस्थापन समितिका अध्यक्ष हेम प्रसाद घिमिरेले जानकारी दिएका छन् । इटहरीको बुढीगंगा जमुना मुक्तिघाट नजिकै स्थापना हुन लागेको १५ शैयाको श्री प्राणनाथ अस्पतालको लागि १ थान एम्बुलेन्स सहयोग स्वरुप प्राप्त भइसकेको छ । श्री अञ्जना अग्रवाल स्मृती प्रतिष्ठान धरान १ को सहयोगमा एम्बुलेन्स उपलब्ध भएको हो भने अस्पतालकै नाममा सञ्चालन हुने शव वहान समेत उपलव्ध भइसकेको छ। सदानन्द चेरिटेबल ट्रष्ट नेपालको सौजन्यमा शव वहान उपलब्ध भएको अध्यक्ष घिमिरेले जानकारी दिएका छन् । शव वहान अव केही दिन पश्चात बुढी गंगा जमुना मुक्तिधामको नामबाट सञ्चालन गरीने छ । श्री १०८ षदानन्द गुरुजीको सहयोगमा शव वहान उपलव्ध भएको भन्दै गंगा जमुना वृहत्तर मुक्तिधामका अध्यक्ष समेत रहेका घिमिरेले सहयोग दातालाई आभार प्रकट गरेका छन् । श्री प्राणनाथ अस्पताल यही बर्षको चैत्र मसान्त भित्र सम्पन्न गर्ने लक्ष्य भएको भए पनि कम्तिमा एक बर्षभित्रै सञ्चालनमा ल्याउने लक्ष सहित निर्माण कार्य भइरहेको अध्यक्ष घिमिरेले जानकारी दिएका छन् । अस्पताल निर्माण सँगै अस्पतालमा आवस्यक सामाग्री खरिदमा सबैले सकेको सहयोग गर्न अध्यक्ष घिमिरेले अनुरोध समेत गरेका छन् ।