धरानको सहकारीको डेढ करोड अपचलन गरेर व्यवस्थापक फरार

धरानको एक सहकारीका व्यवस्थापक डेढ करोड भन्दा बढी हिसाब अपचलन गरेर फरार भएका छन् । धरान–१२ स्थित प्रकृति बचत तथा ऋण सहकारी संस्थाका व्यवस्थापक खगेन्द्र कोइराला सहकारीको डेढ करोड बढी रकम हिनामिना गरी फरार भएको सञ्चालक समितिले जानकारी दिएको छ । व्यवस्थापक फरार भएपछि संस्थालाई अहिले कार्यालय सञ्चालनमा नै अफ्टेरो परेको छ । अहिले सहकारीले बचतकर्ताहरुको रकम फिर्ता दिन सकेको छैन । कोरोनाको महामारीदेखि नै सहकारीमा आर्थिक समस्या पर्दै आएको संस्थाकी अध्यक्ष कमला रुम्दालीले बताइन् । उनले भनिन् –‘कोरोनाकालमा हामीले १ महिनामा नै १ करोड बढी रकम फिर्ता ग¥यौ ।’ १ करोड भन्दा बढी नगद फिर्ता गरेपछि सहकारीमा आर्थिक संकट थियो । तर अहिले व्यवस्थापक नै फरार भएपछि संस्था सञ्चालनमा नै अफ्टेरो परेको छ ।’ नाम नबताउने शर्तमा एक बचतकर्ता भन्छन् –‘आफुले खाइ नखाइ बचत गरेको रकम अफ्टेरोमा काम लाग्छ भन्ने थियो तर महिनौ दिन धाउदा पनि बचत रकम पाइदैन ।’ सहकारीका बचतकर्ताहरु दोहोरो पीडामा छन् । एक पीडित भन्छन् –‘मुद्दा मामिला गरौ, धेरै हल्ला खल्ला गरौ भनेपनि रकम नपाइएला भन्ने डर, अब नबोलौ, कसैलाई नभनौ भने पनि कसरी होला त समाधान ?’ उता फरार व्यवस्थापक खोजविन गर्न जाँदा व्यवस्थापकका परिवारले आफुहरुमाथी दुव्र्यवहार गरेको अध्यक्ष रुम्दालीले जानकारी दिइन् । उनले भनिन् –‘रातारात व्यवस्थापक त भागीसकेको रहेछ, कोठाबाट ३ ट्रक सामान लगिसक्दा मात्रै हामीले थाहा पायौ । खोजी गर्दै जादा ससुरालीमा उनकी श्रीमती फेला पा¥यौ, उहाँले त हामी माथी दुव्र्यवहार गर्नुभयो ।’ ‘व्यवस्थापक आफैले करोड बढी रकम चलाएको जस्तो देखिन्छ । त्यसको हिसाब किताब पनि छैन’ –रुम्दालीले भनिन् । बचतकर्ताको रकम फिर्ता दिन सञ्चालक समिति गम्भिर रहेको उहाँले बताउनुभयो । संस्थाको आफ्नै भवन छ । अध्यक्ष रुम्दाली भन्छिन् –‘सरसर्ती हेर्दा हामीले डेढ करोड जति फिर्ता गर्नुपर्ने रकम देखिन्छ । त्यति रकम भवन विक्रीबाट पनि प्राप्त हुन्छ ।’ संस्थाको ऋण लगानी पनि डेढ करोडको हाराहारीमा रहेको उनले बताइन् । ‘२०७२ सालमा म संस्थाको अध्यक्ष चुनिएकी हुँ, म अध्यक्ष हुनुभन्दा अघि कै समितिले दिएको ऋण असुल गर्न बाँकी छ, मेरो कार्यकालमा त्यस्तो खराब ऋण छैन ।’ हिजो शनिबार फरार व्यवस्थापकलाई सम्पर्कमा आउन भन्दै सहकारीले सूचना समेत प्रकाशन गरेको छ । फरार व्यवस्थापक खोजी गर्न हामी कानुनी प्रकृयामा जादैछौ । विस्तारै सबैकुरा ठिक हुन्छ । उनले भनिन् –‘म यही मिडिया मार्फत् भन्न चाहान्छु, बचतकर्ताको रकम फिर्ता हुन्छ, प्रकृयामा जादा समय अलि बढी लाग्न सक्छ तर हामी सबै रकम फिर्ता गर्न सक्छौ, बचतकर्ता तथा शेयरधनी महानुभावलाई ढुक्क हुन आग्रह गर्दछु ।’ सहकारीले मिनिमार्ट, रेमिट्यान्स सेवा लगायत समेत सञ्चालन गर्दै आएको थियो ।