इटहरीकी सिसम उप्रेती मिस्टर एन्ड मिस नेसनल नेपालको टप १५ मा

काठमाडौँ । इटहरीकी सिसम उप्रेती मिस्टर एन्ड मिस नेसनल नेपालको टप १५ छनौट भएकी छिन् । इटहरी ५ घर भएकी उप्रेती  मिस नेसनल नेपालको टप १५ मा पुगेकी हुन् । निलगिरी कलेजबाट फुड टेक विषयमा स्नातक गरेकी उप्रेतीको जीवन विज्ञान बाट प्रशिक्षक भएर आध्यात्मिक चिन्तनलाई संसार भर फैलाउने लक्ष्य रहेको छ । उनी सामाजिक एवं राजनीतिक व्यक्तित्व केदार उप्रेतीकी छोरी हुन। टप १५ मा पुगेकी उप्रेतीलाई विजयी बनाउन धेरै भन्दा धेरै भोटको आवश्यकता रहेको उनका बाबु केदार उप्रेतीले जानकारी दिए । अहिले भोटिङ राउन्ड चलिरहेको र भोलि (बुधवार) बिहान १० बजे सम्म भोट गर्न पाइने उनले बताए । सिसमलाई जिताउन खल्ती एपमा रहेको मिस् नेसनलमा गएर कन्टेस्टेन्ट नम्बर १५ मा भोट गर्न सकिने उनले बताए । सनुर्वी इन्टरनेसनलका सञ्चालक तथा मिस्टर एन्ड मिस नेसनलका राष्ट्रिय आयोजक डाक्टर सन्तोष उपाध्यायले आयोजना गरेको सो प्रतियोगिताको फिनाले वैशाख १९ गते काठमाडौँस्थित नेपाल प्रज्ञा प्रतिष्ठानमा आयोजना हुनेछ। फिनाली राष्ट्रिय टेलिभिजन इमेज च्यानलबाट प्रसारण हुनेछ । फिनालेमा विजेताहरूलाई पाँच लाख बराबरको गिफ्ट ह्याम्परका साथै मिडिया एक्स्पोजर र नेपालको प्रतिनिधित्व गर्न मिस्टर एन्ड मिस सुप्रा नेसनल नेपाल २०२४ लाई पोल्यान्ड, मिस्टर इन्टरनेसनल नेपाल २०२४ लाई थाइल्यान्ड, मिस ग्लोब नेपाल २०२४ लाई अल्बानिया र मिस इन्टरकन्टिनेन्टल नेपाल २०२४ लाई इजिप्ट पठाइने बताइएको छ ।