सुरु भयो इटहरीमा लैङ्गिक हिंसा बिरुद्धको १६ दिवसिय अभियान

लैङ्गिक हिंसा न्युनिकरणमा जोड दिदै लैङ्गिक हिंसा बिरुद्धको १६ दिवसिय अभियान इटहरीमा सुरु भएको छ । सन १९ सय ८१ देखी सञ्चालनमा रहेको यो अभियान प्रत्येक वर्ष हुदै आएको छ । अभियान प्रत्येक वर्ष नोभेम्बर २५ देखी डिसेम्बर १० सम्म सञ्चालन हुदै आएको छ । सोही अन्तरगत शुक्रवार देसव्यापी रुपमा विभिन्न कार्यक्रम गरी लौङ्गिक हिंसा बिरुद्धको १६ दिने अभियान उद्घाटन गरिएको हो । इटहरी उपमहानगरपालीकाले यससँग सम्वन्धित बिभिन्न संघ संस्थासँगको समन्वयमा प्रभातफेरी गरी लैङ्गिक हिंसा बिरुद्धको अभियानको उद्घाटन गरेको हो । इटहरी उपमहानगरपालीकाकी सामाजिक बिकास महासाखा प्रमुख भोजकला दवाडीकोे अध्यक्षतामा भएको कार्यक्रममा महिला तथा बालबालिकाको हक अधिकारको क्षेत्रमा कार्य गर्दैआएका संघसंस्थाहरुका प्रतीनीधीहरुको सहभागीता रहेको थियो । कार्यक्रममा सहभागी वक्ताहरुले देशभरी लैङ्गीक हिंसाका घटनाहरु बढीरहेको समयमा तिनको न्युनिकरणका लागी राज्यस्तरबाटै थप पहलको आवस्यकता रहेको बताएका थिए । इटहरी उपमहानगरपालीकाकी उपप्रमुख संगीता चौधरीले यस अभियानमा विभिन्न शिर्षकका कार्यक्रममात्र नभइ लक्षित वर्गहरुमा प्रत्याभुती हुने कार्य गर्न आवस्यक रहेको बताएकी छिन् । उनले इटहरीका २० वटै वडामा कार्यक्रम सञ्चालन गर्न सुझाव दिएकी थिइन् । लैङगिक हिंसा बिरुद्ध सञ्चालन गरिने बिभिन्न कार्यक्रम अन्तरगत प्रभातफेरी पनि प्रभावकारी कार्यक्रम रहेको इटहरी उपमहानगरपालीकाकी सामाजिक बिकास महासाखा प्रमुख भोजकला दवाडीले जानकारी दिइन ।