बैंकको चर्को व्याजविरुद्ध ‘नो डिपोजिट’ अभियान

कैलाली । राष्ट्र बैंकले जारी गरेको मौद्रिक नीतिको विरोध गर्दै आएका सुदूरपश्चिमका उद्योगी व्यवसायीले बैंकको चर्को ब्याज विरुद्ध आन्दोलन सुरु गरेका छन् । चर्को ब्याजका कारण व्यवसायबाटै पलायन हुनुपर्ने अवस्था आएको भन्दै आज उद्योग वाणिज्य संघ कैलालीको अगुवाईमा जिल्लामा रहेका विकास बैंक तथाबाणिज्य बैंकहरुमा १ घण्टा तालबान्दी गर्दै ‘नो  डिपोजिट’ अभियान सुरु गरिएको हो । कैलाली उद्योग बाणिज्य संघको अगुवाईमा केलाली बजारमा ब्यावसायीले बैक तथा वित्तीय संस्थाहरुका विरुद्ध प्रदर्शन गर्दै बजार समेत बन्द गराएका थिए । बैंकका शाखाहरुमा तालाबन्दी भएपछि पैसा भुक्तान, जम्मा, ब्याज बुझाउने लगायतका कार्यहरु प्रभावित भएका थिए ।उद्योगी व्यवसायीले व्यवसायी माथिको आतङ्क बन्द गर, बैङ्कको ब्याजदरमा एकरूपता कायम गर, व्यवसायीमाथिको व्यापार बन्द गर लगायतका नाराहरू लगाउँदै आन्दोलनका कार्यक्रम अघि बढाएका छन् । उद्योग बाणिज्य संघ कैलालीका अध्यक्ष पुष्करराज कुँवरले आफूहरुको मागलाई बेवस्ता गर्दे आएका कारण बैंकमा तालाबन्दी गर्न बाध्य भएको बताए ।