विराटनगरबाट १०३ किलो गाँजासहित कार प्रहरीको नियन्त्रणमा

विराटनगर : विराटनगरबाट १०३ किलो गाँजासहित कार प्रहरीले नियन्त्रणमा लिएको छ । आइतबार दिउँसो ३ः५० बजेतिर विराटनगर महानगरपालिका–१५ दुई नम्बर ढाँटबाट १०३ किलो गाँजासहित बीआर ३८ एडब्लू–३७७६ नम्बरको भारतीय नम्बर प्लेटको कार नियन्त्रणमा लिएको हो । कोशी प्रदेश प्रहरी कार्यालय विराटनगरबाट खटिएको प्रहरी टोलीले भारततर्फ जाँदै गरेको उक्त कार रोकेर चेकजाँच गर्दा गाँजा बरामद भएको हो । प्रहरीकाअनुसार घटनास्थलबाट चालक भने फरार भएका छन् । उनको खोजी कार्य भइरहेको र घटनाबारे थप अनुसन्धान भइरहेको इलाका प्रहरी कार्यालय रानीले जनाएको छ ।