धरानको पिण्डेश्वर संस्कृत विद्यापीठमा १७ वर्ष पछि स्ववियु, सर्वसम्मत अनेरास्ववियुका एनिस बने सभापति

धरान। धरानमा रहेको पिण्डेश्वर संस्कृत विद्यापीठमा सर्व सहमतिमा स्ववियु सभापति सहित सबै पदाधिकारी तथा सदस्य निर्वाचित भएका छन् । मुख्य तिन विद्यार्थी सङ्गठनले एक पदाधिकारी सहित सदस्य लिने निर्णय भएपछि सहमति भएको । स्ववियु सभापतिमा नेकपा एमाले निकट विद्यार्थी युनियन अनेरास्ववियुका एनिस रेग्मी निर्वाचित भएका छन् । सचिवमा नेकपा माओवादी ९विप्लव समूह० निकट विद्यार्थी युनियन अनेरास्ववियू (क्रान्तिकारी) का गुणराज निरौला र कोषाध्यक्षमा नेपाली काङ्ग्रेस निकट नेविसंघका पुष्कर निरौला चयन भएका हुन् । सदस्य तर्फ अनेरास्ववियुबाट प्रत्यक्ष तर्फ पुरुषोत्तम दाहाल, प्रदीप नेपाल, विपिन गौतम, नेविसंघबाट सोमनाथ दाहाल चयन भएको निर्वाचन समिति संयोजक कृष्ण गोपाल अधिकारीले बताए । उनले समानुपातिक तर्फ चार सदस्यमा अनेरास्ववियुका सुधाकर पोख्रेल, सुवास चापाँगाईं नेविसंघबाट मनोज सुबेदी र अनेरास्ववियू (क्रान्तिकारी) का मनिष भट्टराई निर्वाचित भएको बताए ।  निर्वाचन संयोजक अधिकरीले चैत पाँच गते प्रमाण पत्र दिने तयारी गरिएको जानकारी दिए । यस अघि विद्यार्थी भर्नाबारे विवाद चुलिदै गएको थियो । आज (आइतबार) पार्टीका नेताहरुबीच छलफलबाट सर्वसहमति भएको हो । यस क्याम्पसमा २०६२ साल यता विवादका कारण स्ववियु चुनाव हुन सकेको थिएन । १७ वर्ष पछि यस पटक सर्वसहमतिमा चुनाव भएको हो ।