एमाले कोशीको प्रमुख सचेतकमा विदुर कुमार लिङ्थेप

इटहरी : नेकपा (एमाले) कोशी प्रदेशको प्रमुख सचेतकमा विदुर कुमार लिङ्थेप नियुक्त भएका छन् । उनलाई मुख्यमन्त्री हिक्मत कुमार कार्कीले सोमबार प्रमुख सचेतकमा नियुक्त गरेका हुन् । नेकपा एमाले कोशी प्रदेश संसदीय दलको विधान, २०७७ को दफा ८ बमोजिम उनलाई प्रमुख सचेतकमा नियुक्त गरिएको हो । लिङ्थेप प्रदेश सभामा निर्वाचित हुनुअघि संखुवासभाको मादी नगरपालिकाका मेयर थिए। यसअघि प्रमुख सचेतक रेवतीरमण भण्डारी आन्तरिक मामिला तथा कानुन मन्त्री भएपछि रिक्त रहेको पदमा मुख्यमन्त्री कार्कीले उनलाई नियुक्त गरेका हुन् ।