होलीको रंगले स्वासप्रस्वासमा समेत असर गर्न सक्छ : डा. अमृता श्रेष्ठ

काठमाडौँ । रङ्गहरूको पर्व होली वसन्त ऋतुको आगमनसँगै विभिन्न रङ खेली आपसी मेलमिलाप र सद्भावनाले मनाउने परम्परा छ । तर रङहरूसँग खेलिरहँदा आफ्नो स्वास्थ्यको ख्याल राख्नु महत्त्वपूर्ण मानिन्छ । जथाभाबी रङ्गहरू लगाउने प्रवृत्तिले छालामा विभिन्न किसिमका समस्याहरू देखिनेहुनाले विशेष ध्यान दिएर मात्र होली खेल्न छाला तथा यौन रोग साथै सौन्दर्य विशेषज्ञ डा.अमृता श्रेष्ठले सुझाव दिएकी छिन् । नेपाल न्यूज कुरा गर्दै उनले होलीमा खेलिने रङहरूले छालामा एलर्जी गराउने ,चिलाउने मात्र नभएर श्वासप्रश्वास सम्बन्धी समस्यासम्म देखिने जानकारी दिइन् । उनले भनिन्,‘होलीमा खेलिने रङहरूले छालालाई ड्राई गराउने, एलर्जी गराउन सक्छ । चिलाउने गर्छ । साथै यसले श्वासप्रश्वास सम्बन्धी समस्यासम्म पनि ल्याउन सक्छ । त्यसै गरी कपाल र नङमा पनि असर गर्छ ।हामीले रङ पनि नेचुरल प्रयोग गर्नुपर्छ ।’ साथै उनले आज अरू दिनहरूमा भन्दा मोईच्जराईजर र सन प्रोटेक्सन क्रिम सन्सक्रिम बढी नै लगाउने,कपाललाई सुरक्षित राख्न क्याप वा स्काफहरु प्रयोग गर्ने कपालको असर नरहोस भनेर जरादेखि टुप्पोसम्म तेल लगाउने जस्तो कार्य गर्नुपर्ने उपायहरू बताइन् । उनले भनिन्,‘आज मोइच्जराईजर र सन प्रोटेक्सन क्रम सन्सक्रिमअरु समयमा भन्दा अलिकति बढी नै लगाउनुपर्ने हुन्छ । कपाललाई सुरक्षित राख्न क्याप वा स्काफहरु प्रयोग गर्नुहोला । कपालको असर नरहोस् भनेर जरादेखि टुप्पोसम्म तेल लगाएर मात्रै रङ खेल्न सकिन्छ ।’ रङ्ग लगाइसकेपछि जेन्टल क्लिनजरको प्रयोग गरेर छाला सफा गर्नुपर्ने उनले बताइन् । ‘रेटिनोइइड जस्तो सक्रिय अयवहरु भएको तत्त्वहरू होलीको अगाडि छालामा प्रयोग नगरेको नै राम्रो हो । यसले गर्दा झन् ड्राई गराउँछ । फेसवासमा चाहिँ जेन्टल क्लिनजर प्रयोग गर्नुपर्ने छ ।’ रमाइलो सँगै आफ्नो छाला जोगाएर रङ खेल्ने उपायहरू १.खेल्न जानुअघि कपालको जरादेखि टुप्पोसम्म तेल लगाउने तथा लामो कपाल भए जुरो बनाउने २. छालाको लागि पुरिरभरि मोइस्चराईजर लगाउने साथै औलाको च्याप, नङ, कानको पछाडि र आँखाको वरिपरी पनि याद गरेर लगाउनुहोला ३. घामबाट बच्न शन्सकृिन लगाउने र पुरा बाहुले कपडा लगाउने खेलिसकेपछि ४.मज्जाले फिँज आउने स्याम्पोले कपाल नुहाउने र अनिवार्य कन्डिसनर गर्ने ५. छालालाई मज्जाले नुहाइसकेपछि मोइस्चराईजर गर्ने