कैलाली : कैलालीमा नदीमा नुहाउने क्रममा बेपत्ता भएका दुई जनाको शव फेला परेको छ ।
जिल्लाको धनगढी उपमहानगरपालिका १९ बाईसघरस्थित मोहना नदीमा नुहाउने क्रममा बेपत्ता भएका दुई जनाको शव सशस्त्र प्रहरीले फेला पारेको हो ।
स्थानीय १५ वर्षका दिनेश ओझा र १६ वर्षका आशिष बोहरा नुहाउने क्रममा बेपत्ता भएका थिए ।
सशस्त्र प्रहरी बल नेपाल बीओपी लल्लिपुर र बीओपी फुलबारीबाट खटिएको टोलीले उनीहरूको शव फेला पारेको हो ।
खोजी गर्ने क्रममा ओझाको शव डुबेकै स्थानमा र बोहराको शव केही तल फेला पारेको जनाइएको छ । घटनाबारे थप अनुसन्धान भइरहेको छ ।
प्रदेश खबर
_ZFO4cJ7Z99.png)
प्रतिक्रिया