विराटनगर । विराटनगरमा करेन्ट लागेर ससुराली घरमा सुतिरहेका १ जना भारतीय नागरिकको बुधवार दिउँसो मृत्यु भएको छ ।
प्रहरीका अनुसार करेन्ट लागेर भारत जोगवनीको टिकुलिया बस्ती घर भएका ३६ वर्षीय सुरेश चौधरीको मृत्यु भएको हो ।
चौधरीलाई विराटनगर महानगरपालिका–१५ भट्टीमोडस्थित ससुराली घरमा करेन्ट लागेको थियो ।
घरको कोठाभित्र सुतिरहेका बेला ओछ्याननजिकै रहेको टेबल पङ्खाबाट उनलाई दिउँसो २ः१५ बजेतिर अचानक करेन्ट लागेको प्रहरीको प्रारम्भिक अनुसन्धानबाट खुलेको छ ।
गम्भीर घाइते अवस्थाका उनलाई उपचारका लागि कोशी अस्पताल पुर्याउनसाथ चिकित्सकले मृत घोषित गरिदिएका हुन् ।
प्रहरीले घटनाको अनुसन्धान सुरु गरिएको जनाएको छ ।
प्रदेश खबर
प्रतिक्रिया