सन्दीपलाई टिममा फर्काउनेबारे क्यानमा छलफल

नेपाल क्रिकेट संघ क्यानले बलात्कारको आरोपमा निलम्बनमा परेका क्रिकेटर सन्दीप लामिछानेलाई टिममा फर्काउने बारेमा आफूहरु छलफल सुरु गरेको छ । क्रिकेट खेलाउनु पर्ने र खेलाउन नहुने दुई खालकै चर्चाका बिच क्यानले छलफल सुरु गरेको हो । नेपालको विद्यमान कानूनले अनुमति दिए अनुसार अघि बढ्ने क्यानका अध्यक्ष चतुरबहादुर चन्दले जानकारी दिए । चन्दका अनुसार आईसीसीले पनि नेपालको कानुन अनुसार नै गर्न भनेको छ । बलात्कारको आरोपमा थुनामा रहेका सन्दीपलाई उच्च अदालत पाटनले काठमाडौं उपत्यकाबाट बाहिर जान नपाउने गरी २० लाख रुपैयाँ धरौटीमा रिहा गरेको छ ।