एमबाप्पेले बार्यबिरुद्दको खेल गुमाउने,करिब तीन साता मैदान बाहिर

पेरिस सेन्ट जर्मेन (पिएसजी) का फ्रान्सेली स्टार फरवार्ड केलियन एमबाप्पेले च्याम्पियनस लिग अन्तर्गत बार्यन म्युनिखसँगको खेल गुमाउने भएका छन्  । एमबाप्पे झण्डै  तीन साता मैदान बाहिर रहने बताइएको छ  । तिघ्राको चोटका कारण एमबाप्पे तीन साता मैदान बाहिर रहने क्लबले जनाएको छ । एमबाप्पेले बुधबार राति मोन्टपेलिएरमाथि ३–१ को जित निकालेको खेलमा चोट बोक्न पुगेका थिए । खेलेको सुरुवाती २१औं मिनेटमा चोटका कारण मैदान छाड्न बाध्य हुनुअघि दुई पेनाल्टी र एक खुल्ला मौका गुमाएको २४ वर्षीय एमबाप्पेका लागि यो बिर्सने रात सावित थियो । एमबाप्पेले यो सिजन आफ्नो क्लबका लागि २६ खेलमा २५ गोल गरिसकेका छन् । तीन साता मैदान बाहिर रहने भएसँगै एमबाप्पेले जर्मन क्लब बायर्न म्युनिखसँग हुने युइएफए च्याम्पियन्स लिगको प्रि–क्वाटरफाइनलको पहिलो लेग, मार्सेसँगको फ्रेन्च कप र मोनाकोसँग लिग वानको महत्वपूर्ण खेल गुमाउने भएका छन् । मार्सेसँगको फ्रेन्च कप फेब्रुअरी ८ र त्यसको तीन दिनपछि मोनाकोसँगको लिग वान खेल हुनेछ । बायर्नसँगको पहिलो लेगको प्रि–क्वाटरफाइनल खेल पिएसजीको मैदानमा १४ फेब्रुअरीमा हुँदैछ ।