पर्सा : पर्सामा आमासँगै नदीमा नुहाउन गएका दुई बालकको नदीमा डुबेर मृत्यु भएको छ।
जिल्लाको जगरनाथपुर गाउँपालिका ५ मसिहानी टोल नजिकको गंगोल नदीमा नुहाउने क्रममा डुबेर दुई बालकको मृत्यु भएको हो।
मृत्यु हुनेमा मृत्यु हुनेमा भारत बिहारको बेनिया बनकटवाका बृजेश ठाकुरका छोरा १० वर्षीय गुलशन ठाकुर हजाम र बिहारकै सिक्टाका अनरजित पटेलका छोरा ८ वर्षीय अभिषेक पटेल रहेका छन्।
दुवै बालक जगरनाथपुर ५ मसिहानीस्थित मावलीघरमा बस्दै आएका थिए।
आइतबार (आज) अपराह्न ४ बजेतिर गाँउका महिलाहरू ऋषिपञ्चमीका दिन गंगोल नदीमा नुहाउन गएका बेला दुवै बालक आफ्नी आमासँगै गएको प्रहरीले जनाएको छ ।
नदीमा पसेका दुवै बालकको डुबेर मृत्यु भएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक दीपक भारतीले जानकारी दिए। घटनाबारे थप अनुसन्धान भइरहेको प्रहरीले जनाएको छ ।
युनिकोड
मिति रूपान्तरण
प्रदेश खबर
प्रतिक्रिया