नेपाली काँग्रेस आफ्ना उम्मेदवारको जीत निश्चित रहेको दाबी गर्दछ । जयप्रकाश जी ले सोचेका धेरै कुराहरू पुरा गर्नका लागि बलराम सरदार सक्षम उम्मेदवार रहेको उल्लेख गर्दै काँग्रेस मोरङका सभापति डिकबहादुर लिम्बु भन्छन्, ‘जसरी घरदैलोमा पुगेर मतदाताका कुरा हामीले सुनिरहेका छौँ र हाम्रा प्रतिबद्धता जाहेर भएका छन्, त्यसमा हाम्रो जीत निश्चित जस्तै छ ।’
घरदैलोमै भेटिएका उम्मेदवार रहेका बलराम सरदार थारुले पनि आफूले यस ठाउँको माटो चिनेको र समस्या बुझेको प्रतिनिधि भएकाले जनताले विश्वास गर्ने बताए । वैचारिक, सरल, झुट नबोल्ने, विश्वास गर्न योग्य उम्मेदवार भएकाले सरदारलाई भोट दिनुपर्ने नेपाल महिला सङ्घकी ग्रामथान गाउँपालिका अध्यक्ष निमा नेपाल‘पोखरेल’ बताउँछिन् ।
निर्वाचनमा काँग्रेसले आफ्ना सबै संयन्त्रलाई परिचालन गरेको अवस्था छ ।
नेपाल विद्यार्थी सङ्घका मोरङ जिल्ला सभापति सरोज पोखरेल भन्छन्,‘हाम्रो उम्मेदवारलाई जिताउन हामीले सबै संयन्त्र परिचालन गरेका छौँ । बलराम सरदार नै यहाँको उपयुक्त उम्मेदवार हो ।’
सरदारलाई जिताउन पुर्वमन्त्री सहित केन्द्रीय नेताहरू पनि एक भएका छन् । नेपाली काँग्रेसका मोरङ सभापति तथा पूर्व युवा तथा खेलकुद मन्त्री डिग बहादुर लिम्बु, पूर्व अर्थमन्त्री महेश आचार्य, डा।मिनेन्द्र रिजाल लगायतको जम्बो टोली काँग्रेसका उम्मेदवार जिताउन हिँडिरहेको अवस्था छ ।
‘कुनै तुस प्रकट नगरी हामी प्रत्याशी समेत एकताको सन्देशका साथ होमिएका छौँ ।’ काँग्रेसमा प्रत्याशी रहेका जीतनारायण भगतले भने ।
वैचारिक नेताको छवि बनाएका नेकपा एमालेका महासचिव महासचिव शङ्कर पोखरेललाई ल्याएर चुनावी प्रचारको सुरुवात गरेको नेकपा एमालेले पनि अध्यक्षमा काँग्रेसको किल्ला भत्काउने रणनीति बनाएको छ ।
२०७४ साल र ७९ सालको चुनावमा जितेको काँग्रेसलाई रोक्दै जित हासिल गर्ने उद्देश्यका साथ महासचिव पोख्रेलको प्रशिक्षणपछि एमालेले घरदैलो कार्यक्रमलाई तीव्रता दिएको छ ।
एमालेबाट अध्यक्षका प्रत्याशी रहेका तुलसीराम विश्वास आफू युवाका साथै नवीन सोचका साथ अभियानमा होमिएको बताउँछन् । ‘नेकपा एमालेले यो पटक जित्नुपर्ने अवस्था छ ।
उनले भने, ‘युवाले नै समस्या बुझ्ने, समाधान गर्नेका साथै निराश रहेको युवा वर्गलाई विश्वासमा लिन सकिने भएकाले पनि यहाँका नागरिकले एमालेलाई विश्वास गर्नुहुने छ ।’
२०७४ को निर्वाचनमा काँग्रेसबाट वडा नं १ को अध्यक्ष जितेका नमोनारायण माझीलाई उम्मेदवार बनाएको माओवादी केन्द्रका नेताहरू कार्यकर्ता भेटघाट र जनतासँग भेट्ने कार्यक्रमहरूमा व्यस्त देखिन्छन् ।
यता नयाँ पार्टीको रूपमा देखा पारेको रास्वपा पनि पुराना दलले अराजकता, भ्रष्टाचार तथा कुशासन निम्त्याएको भन्दै रास्वपा लाई मत गर्नुपर्ने आवाजका साथ टोल टोलमा माइकिङ गर्दै भोट मागिरहेको छ ।
उम्मेदवारी दिएका प्रायः दलहरूले आफ्नो कार्यालय स्थापनाका साथ चुनावी मैदानमा छन् । एमालेलाई ‘टाउको दुखाइका पात्र’ टिकट नपाएर बागी उम्मेदवार नमनारायण चौधरी पनि अभियानमा व्यस्त छन् ।
त्यहाँका स्थानीयबिचका कुराकानी र चुनावी अभियानका आधारमा यस उपनिर्वाचनमा मुख्यतः नेपाली काँग्रेस, नेकपा एमाले र माओवादी केन्द्रबिच रोचक प्रतिस्पर्धा हुने देखिन्छ । २०७९ निर्वाचनमा काँग्रेसका स्व।गच्छदारले एमालेका शिवनारायण माझीलाई १ हजार ५ सय १२ मतान्तरले पराजित गरेका थिए ।
सात वटा वडा रहेको ग्रामथानमा उपमेयरका साथ पाँच वडाको वडाध्यक्ष भने नेकपा एमालेले जितेकोले उसले उपस्थिति बलियो देखाएको छ । तर, आफ्नै उम्मेदवार बागी भएकाले एमालेलाई चुनौती पनि उत्तिकै छ ।
नयाँ र स्वतन्त्रको उभार पनि व्याप्त भइरहेको अवस्थामा यस चुनावमा नयाँले आफूलाई परीक्षण गर्ने मौका पनि पाएका छन् । अन्तिम मत परिणाम त अब १० दिन पछि हुने निर्वाचनमा जनताले आफ्नो नेता कसलाई रोज्छन् त्यो हेर्न बाँकी नै छ । किनभने, लोकतन्त्रमा जनताको मत नै सर्वाधिकार हुन्छ ।
युनिकोड
मिति रूपान्तरण
खेमराज सापकोटा
_GG53BePZNy.png)
प्रतिक्रिया