कस्तुरी एकेडेमीले जित्यो नृत्य प्रतियोगिता, गायन पिसजोन प्रथम

उच्च शिक्षालय तथा माध्यमिक बिद्यालय संघ हिसान इटहरी नगरले आयोजना गरेको हिसान स्पोर्टस मिट अन्तर्गत नृत्य प्रतियोगितामा कस्तुरी एकेडेमी प्रथम भएको छ । इटहरी ८ स्थित सुष्मा स्कुलमा सम्पन्न नृत्य प्रतियोगितामा लर्डबुद्ध स्कुलले दोस्रो स्थान हासिल गर्दा बिश्वआदर्श कलेजले तेस्रो स्थान हासिल गरेको छ । यस्तै स्पोर्टस मिट अन्तर्गत नै सम्पन्न गायन प्रतियोगितामा पिसजोन स्कुल प्रथम हुदा ग्रिनपिस स्कुल दोस्रो भएको छ । कोशी कलेजले तेस्रो स्थान हासिल गरेको छ । गायन र नृत्य प्रतियोगितामा हिसानमा आबद्ध इटहरी नगरक्षेत्रका एक दर्जन शिक्षालयहरुको सहभागिता रहेको थियो ।