काठमाडौं । नेकपा एमालेनिकट राष्ट्रिय युवा संघ पर्वतको अधिवेशनका विषयमा विवाद हुँदा एमाले प्रदेश सदस्य अर्जुन निर्जन पौडेल घाइते भएका छन् ।
अधिवेशन गर्ने र नगर्ने भन्ने विषयमा उत्पन्न विवादले दुई पक्षबीच झडप हुँदा पौडेल घाइते भएका हुन् । रोक्नुपर्छ भन्ने पक्षमा रहेका पौडेलमाथि अर्को समूहले आक्रमण गरेको बताइएको छ । हाल पौडेलको पर्वतस्थित शान्तिदीप अस्पतालमा उपचार जारी छ । उनको टाउकोमा चोट लागेको छ ।
राष्ट्रिय युवा संघको जेठ ९ देखि ११ गतेसम्म पोखरामा महाधिवेशन हुँदैछ । त्यसअघि जिल्ला कमिटी तथा प्रतिनिधि छनोट गर्नुपर्ने भएका कारण केन्द्रकै निर्देशनमा आयोजक कमिटी गठन गर्ने भन्दै भेला डाकिएको थियो । तर झडप हुँदा यो भेला विथोलिएको छ ।
युनिकोड
मिति रूपान्तरण
प्रदेश खबर
_Kp72Ighc31.png)
प्रतिक्रिया