टिभी हेर्न नपाएको निहुँमा छोराद्वारा बुबाको हत्या

बाँके : बाँके जिल्लाको बैजनाथ गाउँपालिकामा एक छोराले सामान्य विवादका कारण आफ्नै बुवाको ज्यान लिएका छन्। ३२ वर्षीय भविलाल रोकाले ६० वर्षीय बुबा टोपबहादुर रोका क्षेत्रीको धारिलो हतियार प्रहार गरी हत्या गरेका हुन्।

प्रहरीका अनुसार भविलालले टिभी हेर्न नदिएको भन्दै बुवासँग विवाद गरेका थिए। विवादपछि आक्रोशित भविलालले बुवामाथि धारिलो हतियारले हमला गर्दा घटनास्थलमै टोपबहादुरको मृत्यु भएको हो।

हत्या पछाडि भविलाल घटनास्थलबाट फरार भएका छन्। इलाका प्रहरी कार्यालय खजुरा र बैजनाथ प्रहरी चौकीले उनीमाथि खोजी गरिरहेको जनाएको छ। प्रारम्भिक अनुसन्धान अनुसार भविलाल लागूऔषध दुव्र्यसनी भएको पनि खुलेको छ।

प्रहरीले घटनास्थलबाट प्रमाण सङ्कलन गरी थप अनुसन्धान थालेको छ।