मोरङमा कारको ठक्करबाट घाइते बालकको मृत्यु

विराटनगर । मोरङको सुन्दरहरैँचा नगरपालिका–१ पचाममा कारको ठक्करबाट गम्भीर घाइते भएका १३ वर्षीय बालक टीकाराम कार्कीको उपचारका क्रममा मृत्यु भएको छ।

प्रहरीका अनुसार विराटचोकबाट विराटनगरतर्फ आइरहेको प्र ३–०१–०२३ च ८३०४ नम्बरको कारले आइतबार बिहान ११ः३० बजेतिर साइकलमा सवार टीकारामलाई ठक्कर दिएको थियो। बाटो क्रम गर्ने क्रममा भएको उक्त दुर्घटनापछि टीकारामलाई गम्भीर अवस्थामा विराटनगरको नोबेल शिक्षण अस्पताल ल्याइयो। तर उपचारकै क्रममा सोमबार उनको मृत्यु भयो।

दुर्घटनालगत्तै कार चलाउँदै गरेका रोहित सास फरार भएका छन्। कारलाई भने प्रहरीले विराटनगरबाट नियन्त्रणमा लिएको छ। प्रहरीले फरार चालकको खोजी जारी राखेको बताएको छ।

उक्त कार विराटनगर महानगरपालिका–८ का आशिष लखटियाको भएको प्रहरीले जनाएको छ। मृतक टीकाराम सुन्दरहरैँचा–१ पचामका रुद्रबहादुर कार्कीका छोरा हुन्