पौडी खेल्ने क्रममा झापामा एक युवकको मृत्यु

झापा : झापाको बिर्तामोड नगरपालिका–२ स्थित ग्रीन पार्क भित्रको स्वीमिङ पुलमा पौडी खेल्ने क्रममा एक युवकको मृत्यु भएको छ।

दिउँसो करिब ३ बजे बिर्तामोड नगरपालिका–३ बस्ने ३३ वर्षीय प्रकाश प्रसाई साथीहरूसँग पार्क घुम्न र पौडी खेल्न पुगेका थिए। पौडी खेल्ने क्रममा उनी डुबेपछि उपचारका लागि प्रयास गरिएको तर ज्यान बचाउन नसकिएको जिल्ला प्रहरी कार्यालय झापाले जनाएको छ।

उनीसँगै पौडी खेल्न गएका बिर्तामोड–१० का ३३ वर्षीय केशव शिवाकोटी भने सकुशल रहेका छन्।

घटनाबारे जानकारी प्राप्त भएपछि इलाका प्रहरी कार्यालय अनारमनीबाट प्रहरी टोली तत्काल घटनास्थल पुगेको थियो। अहिले यस सम्बन्धमा थप अनुसन्धान भइरहेको प्रहरीले जनाएको छ।