पूर्वविद्यार्थीद्वारा विपन्न विद्यार्थीलाई आर्थिक सहयोग

इटहरी : इटहरीस्थित राष्ट्रिय माध्यमिक विद्यालयमा अध्ययनरत आठ जना विपन्न विद्यार्थीलाई पूर्वविद्यार्थी रामकुमार घिमिरेले आर्थिक सहयोग गरेका छन्।

हाल अमेरिकामा बसोबासरत रामकुमारले पठाएको ३५ हजार रुपैयाँ विद्यालयका कक्षा ६ का विद्यार्थी निस्मा चौधरी, आस्मा माझी, अञ्जली सार्की, दिव्या केसी, सन्तोष राई, नवीन कार्की, मिडेन लिम्बु र रुपक बुढाथोकीलाई प्रदान गरिएको हो।

विद्यालयका प्रधानाध्यापक सरनकुमार बस्नेतका अनुसार प्रत्येक विद्यार्थीले ४,३७३ रुपैयाँ प्राप्त गरेका छन्।

सहयोगी रकम रामकुमारका बाबुआमा समाजसेवी भुवनाथ घिमिरे र दिव्याश्वरी घिमिरेले आँपगाछीस्थित एक कार्यक्रममार्फत वितरण गरेका थिए।

सहायक प्रधानाध्यापक लक्ष्मी सुवेदीका अनुसार बाबुआमा नभएका वा आर्थिक अवस्था कमजोर विद्यार्थीलाई छनोट गरेर सहयोग उपलब्ध गराइएको हो।