टर्कीको होटलमा भएको आगलागीका लागि दोषी ११ जनालाई जन्मकैदको फैसला

गत जनवरी २१ मा कार्तलकायाको उत्तरी पहाडी रिसोर्टमा रहेको ग्रान्ड कर्ताल होटलमा भएको आगलागीका लागि दोषी ठहर गर्दै टर्कीको एक अदालतले शुक्रबार होटलका मालिकसहित ११ जनालाई आजीवन कारावासको सजाय सुनाएको छ ।

आगलागीमा ३० बालबालिकासहित ७८ जनाको मृत्यु भएको थियो भने १३७ जना घाइते भएका थिए। 

अन्वेषकहरूले होटल सञ्चालनका क्रममा सुरक्षा नियमहरूको पालना नगरिएको ठहर गर्दै यो फैसला सुनाएका हुन् । 

अदालतले आजीवन कारावासको सजाय तोकेका होटलका सञ्चालकसहित सञ्चालक समितिका केही सदस्यलाई अदालतले आजीवन कारावासको सजाय सुनाएको हो ।

बोलुका एक उपमेयर र स्थानीय अग्नि नियन्त्रकलाई पनि जेल सजाय सुनाइएको छ। सुनुवाइका लागि हिरासतमा राखिएका २० र अन्य १२ गरी कुल ३२ जनाविरूद्ध मुद्दा परेको थियो । 

अनुसन्धानका  क्रममा होटलमा जडान गरिएको आगलागीको चेतावनी दिने संयन्त्रले काम नगरेको र केही ग्याँस उपकरणहरूले सुरक्षा मापदण्डहरू पूरा नगरेको पुष्टि भएको छ।