एमाले महाधिवेशन : यी हुन् सुनसरी ४ बाट निर्वाचित प्रतिनिधि

इनरुवा : नेकपा एमालेको आसन्न ११ औँ महाधिवेशनको प्रतिनिधि छनौटका लागि शनिवार भएको निर्वाचनबाट सुनसरी क्षेत्र नम्बर ४ मा लस्करी अन्सारी लगायत निर्वाचित भएका छन् ।

मतदानबाट चयन भएका महाधिवेशन प्रतिनिधिहरूमा खुल्लातर्फ लस्करी अन्सारी र श्यामकुमार भण्डारी निर्वाचित भएका हुन । खुल्लातर्फ दुई जना महाधिवेशन प्रतिनिधिका लागि ७ जना चुनावी प्रतिस्पर्धा गरेका थिए । 

त्यसैगरी महिलातर्फ अनिता उराँव र सविना सिग्देल विजयी भएका छन् । महिलातर्फ दुई जनाका लागि तीन जनाले चुनावी प्रतिस्पर्धा गरेका थिए । युवातर्फ नवराज खड्का निर्वाचित भएका छन् । युवातर्फ एक जना महाधिवेशन प्रतिनिधि छनौटका लागि भएको निर्वाचनमा तीन जनाले प्रतिस्पर्धा गरेका थिए ।