प्रभु बैंकका सीईओ शेरचन ठगी प्रकरणमा पक्राउ, सीआईबीको अनुसन्धान तीव्र

काठमाडौं : प्रभु बैंकका प्रमुख कार्यकारी अधिकृत (सीईओ) अशोक शेरचनलाई सीआईबी टोलीले आइतबार पक्राउ गरेको छ। बैंकभित्र भएको भनिएको ९८ करोड रुपैयाँ ठगीसम्बन्धी उजुरीका आधारमा उनीमाथि अनुसन्धान थालिएको हो।

यसअघि कात्तिक २२ गते सीआईबीले प्रभु बैंकको बिजुलीबजारस्थित केन्द्रीय कार्यालयमा छापा मारेर ठगी प्रकरणसँग सम्बन्धित महत्वपूर्ण कागजातहरू नियन्त्रणमा लिएको थियो।

उक्त ठगीबारे प्रभु म्यानेजमेन्टकी अध्यक्ष कुसुम लामाले दिएको जाहेरीपछि प्रहरीले अनुसन्धान अघि बढाएको हो।

जाहेरीमा बैंकभित्रको व्यवस्थापकीय प्रक्रियामा अनियमितता तथा ठूलो रकम हिनामिना भएको आरोप उल्लेख गरिएको छ।