इलाम र पाँचथरबाट एमालेका महाधिवेशन प्रतिनिधि चयन, सुहाङ नेम्वाङ पनि सर्वसम्मत

पाँचथर : नेकपा (एमाले) को आसन्न ११ औँ राष्ट्रिय महाधिवेशनका लागि इलाम र पाँचथरबाट प्रतिनिधि सर्वसम्मत रूपमा चयन भएका छन्। दुवै जिल्लाका निर्वाचन समितिहरूले आवश्यकताभन्दा धेरै उम्मेदवारी परेपनि कार्यदलमार्फत सर्वसम्मत चयन प्रक्रिया सफल भएको जानकारी दिएका छन्।

इलामबाट १९ प्रतिनिधि सर्वसम्मत

इलामबाट खुला तर्फ ११, महिला तर्फ ६, दलित तर्फ १ र युवा तर्फ १ गरी १९ जना महाधिवेशन प्रतिनिधि सर्वसम्मत चयन भएका छन्। खुला तर्फ निवर्तमान सांसदद्वय सुहाङ नेम्वाङ र महेश बस्नेत सहित केशव धौराली, गणेश बराल, दिपेन्द्र खनाल, हेमन्त राई, उदयबहादुर राई, उमेश गुरुङ, काजिमान कागते, खम्बसिंह लिम्बू र दीपककुमार थेबे प्रतिनिधि बनेका छन्।

दलित तर्फ देवेन्द्र विश्वकर्मा चयन भएका छन्। महिला तर्फ उमादेवी सुनुवार, शकुन्तला लेप्चा, टिकादेवी घिमिरे, दिलकुमारी पौडेल र पविमाया राई सर्वसम्मत भएका छन्। युवातर्फ रामप्रसाद सुवेदी (रवीन्द्र) र टिका पौडेल (निरोज) चयन भएको निर्वाचन समिति संयोजक सुधीर बोहराले जानकारी दिए।

पाँचथरबाट ८ प्रतिनिधि सर्वसम्मत

पाँचथरबाट खुला ४, महिला २, दलित १ र युवा १ गरी ८ जना महाधिवेशन प्रतिनिधि सर्वसम्मत चयन भएका छन्। खुला तर्फ विष्णुप्रसाद सापकोटा, विरबहादुर कुरुम्वाङ, पृथ्वी लावती र तुलसी थापा चयन भएका छन्।
महिला तर्फ सुजाता बान्ता र करुणा राई, युवातर्फ पदम योङहाङ, र दलित तर्फ बलबहादुर नेपाली प्रतिनिधि बनेका छन्। निर्वाचन समिति संयोजक जयप्रकाश केरुङ (जेपी) का अनुसार दुवै जिल्लामा सहमतिमै प्रतिनिधि चयन प्रक्रिया सम्पन्न गरिएको हो।