झापा–३ मा महाधिवेशन प्रतिनिधि छनौट : चर्चित अनुहार पराजित

झापा : नेकपा एमालेको आगामी मङ्सिर २७ देखि २९ गतेसम्म काठमाडौँमा हुने ११औँ महाधिवेशनका लागि झापा क्षेत्र नं. ३ बाट महाधिवेशन प्रतिनिधि चयन गरिएको छ।

यस क्षेत्रमा ६ जना महाधिवेशन प्रतिनिधिका लागि १८ जनाबीच प्रतिस्पर्धा भएको थियो। खुला तर्फबाट वसन्त वानिया, छविलाल चुँडाल र त्रिलोचन सापकोटा निर्वाचित भएका छन्।

त्यसैगरी महिला तर्फ कल्पना रेग्मी र शान्तादेवी सिवाकोटी खरेल विजयी भएकी छन्। युवा तर्फबाट अग्नि प्रसाद सापकोटा (अनिल) निर्वाचित भएका छन्।

खुला तर्फ निर्वाचित वानिया पूर्व कोशी प्रदेश सभा सदस्य हुन्। चुँडाल कोशी प्रदेश सभा सदस्य हुन् भने त्रिलोचन सापकोटा हल्दिवारी गाउँपालिका–१ का पूर्व वडाध्यक्ष हुन्।

महिला तर्फ निर्वाचित सिवाकोटी वाह्रदशी गाउँपालिकाको उपाध्यक्ष हुन्। युवा तर्फ निर्वाचित सापकोटा पार्टीको वाह्रदशी गाउँकमिटी अध्यक्ष हुन्।