लायन्स इन्टरनेशनल डिस्ट्रिक्ट ३२५ सिको दोस्रो क्याबिनेट बैठकका लागि तयारी सुरु

इटहरी : लायन्स इन्टरनेशनल डिस्ट्रिक्ट ३२५ ‘C’ को दोस्रो क्याबिनेट मिटिङका लागि तयारी औपचारिक रूपमा सुरु भएको छ।

डिस्ट्रिक्ट एरिया–४ अन्तर्गतका क्लबका पदाधिकारी तथा क्याबिनेट अफिसरहरूको आज इटहरीमा बसेको बैठकले पौष १० गते हुने उक्त क्याबिनेट मिटिङलाई भव्य रूपमा सम्पन्न गर्न विभिन्न समिति तथा उपसमितिहरू गठन गरेको छ।

एरिया ४ का २९ वटा क्लबका अध्यक्ष तथा क्याबिनेट अफिसरहरूको उपस्थितिमा सम्पन्न बैठकले क्याबिनेट मिटिङलाई सफलतापूर्वक सम्पन्न गर्न समितिहरू गठन गरेको एरिया कोअर्डिनेटर टङ्क फुयाँलले जानकारी दिए।

बैठकमा डिस्ट्रिक्ट एडमिनिस्ट्रेटिभ चिफ लोकेन्द्र ढकाल, एलसिआइएफ डिस्ट्रिक्ट कोअर्डिनेटर थानेश्वर ढकाल, एरिया चिफ भोजराज दाहाल, ट्रेनिङ पुल चिफ दुर्गा पौडेल, पब्लिकेशन चिफ मुक्ति घिमिरे लगायतको सहभागिता थियो।

इटहरीस्थित लायन्स सभा हलमा हुने क्याबिनेट मिटिङमा डिस्ट्रिक्ट ३२५ ‘C’ का १५५ वटा क्लबका प्रतिनिधिहरू तथा मल्टिपल डिस्ट्रिक्टहरूबाट समेत लायन्स नेतृत्वको सहभागिता रहने फुयाँलले बताए।

क्याबिनेट मिटिङमा यसअघिका कार्यहरूको समीक्षा, कार्यान्वयनका क्रममा देखिएका समस्या तथा समाधानका उपायहरू र आगामी योजना तथा कार्यक्रमहरूबारे प्रस्तुति हुने जनाइएको छ। साथै, नयाँ सदस्य विस्तार, सेवाका दायरा थप विस्तार र नेतृत्व विकासलाई अझ प्रभावकारी बनाउने उद्देश्यले यो मिटिङ फलदायी हुने लायन्सले जनाएको छ।

गठित समितिहरू

१. मुख्य संयोजन समिति
– संयोजक : लायन उमानाथ दाहाल
– सदस्य : भूपाल भट्टराई, पुष्पनारायण चौधरी, भूपराज पुरी, हेम तमु गुरुङ, सुरेश धमला

२. रेजिष्ट्रेशन समिति
– संयोजक : गणेश ओली
– सदस्य : टङ्क फुयाँल, मुक्तिनाथ घिमिरे, कमला कार्की, लोकेन्द्र ढकाल, दुर्गा प्रसाद पौडेल, नीरज भट्टराई

३. फेलोसिप समिति
– गोपाल श्रेष्ठ
– चन्द्र श्रेष्ठ
– चेवन खतिवडा

४. स्वयंसेवक परिचालन समिति
– संयोजक : पारस खतिवडा
– सदस्य : सुरेन्द्र थापा

५. विज्ञापन तथा प्रचारप्रसार समिति
– संयोजक : पवन अधिकारी
– सदस्य : चेवन खतिवडा, अर्जुन चौलागाई

यस्तै, स्वागत नृत्य प्रस्तुत गर्ने जिम्मेवारी स्मार्ट सिटी क्लब र क्रिएटिभ लेडी क्लबलाई दिइएको छ।