झापा : कचनकवल गाउँपालिका–६ बाट बिर्तामोडतर्फ आउँदै गरेको मे १ ज ३२७९ नम्बरको म्याजिक भ्यानमा आगलागी भएको छ ।
निरज बस्नेतको उक्त भ्यान लाहुरेचोक नजिक मेची राजमार्गमा गुडिरहेको अवस्थामा अचानक आगो लागेको थियो ।
म्याजिक भ्यानमा आगलागी हुँदा त्यसमा सवार तीन जना मध्ये एक जना घाइते भएका छन् ।
आगलागीबाट कचनकवल–६ निवासी प्रकाश खनाल सामान्य घाइते भएका छन् भने अन्य दुई जना सकुशल रहेको प्रहरीले जनाएको छ ।
स्थानीयवासीको सहयोगमा आगो नियन्त्रणमा लिए पनि म्याजिक भ्यान जलेको छ ।
प्रतिक्रिया