भिभो कम्पनीको मोबाइल भी–२७ सिरिज बजारमा, यस्ता छन् विशेषता

इटहरी । बजारमा सर्वाधिक खरिद हुने भिभो मोबाइलको नयाँ मोडल भिभो–२७ सिरिज सार्वजनिक भएको छ । आज आइतबार इटहरीमा पत्रकार सम्मेलन गरी गरी भिभो भी–२७ सिरिज सार्वजनिक गरिएको हो । फोनमा स्लीक डिजाइन, भी–२७ फाइभजीमा औरा लाइट पोट्र्रट सिस्टम, ४,६०० एमएएच ब्याट्री र ६६ बाट फ्ल्यास चार्ज लगायतका आकर्षक विशेषताहरू छन् । ग्राहकहरूले भी–२७ फाइभजी को प्रि–बुकिङमा भिभो टीडब्लुएस एयर र भी–२७ ईको प्रि–बुकिङमा नोइज कलर फिट ग्राण्ड एयरबड प्राप्त गर्नेछन् । स्मार्टफोन बैशाख २५ देखि ३१ गतेसम्म प्रि–बुकिङ उपलब्ध हुने बताइएको छ । ग्राहकहरूले तीन हजार तिरेर भी–२७ फाइभजी वा भी–२७ ई को प्रि–बुकिङ गर्न सक्ने कम्पनिले बताएको छ । भी–२७ फाइभजी दुई आकर्षक रंगहरूमा– म्याजिक ब्लू र नोबल ब्ल्याकमा ५८ हजार ९९९ मा उपलब्ध हुने कम्पनीका क्षेत्रीय व्यवस्थापक निमेष घिमिरेले बताए । उनले भी २७ ई दुई उत्कृष्ट रंगहरूमा–ल्याभेन्डर पर्पल र ग्लोरी ब्ल्याकमा ४१ हजार ९९९ मा उपलब्ध हुने बताए । भिभो भी २७ सिरिजबारे भिभो नेपालका जनरल म्यानेजर माइकलले भिभो भी सिरिजको उत्कृष्ट कार्यसम्पादन तथा नवीन विशेषताहरूले गर्दा प्रयोगकर्ताहरू सधैं यस स्मार्टफोनहरूप्रति आकर्षित हुँदै आएको बताए । साथै उनले नेपाली बजारमा अन्य कम्पनीका मोबाइल भन्दा यश कम्पनीको फोन बढी बिक्री हुने गरेको समेत दाबी गरे ।