ग्लोवल आइएमइ बैंक इटहरी शाखाद्धारा वित्तीय साक्षरता कार्यक्रम सम्पन्न

ग्लोवल आइएमइ बैंक इटहरी शाखाले वित्तीय साक्षरता कार्यक्रम सम्पन्न गरेको छ । डिजिटल बैंकिङका क्षेत्रमा वित्तीय सचेतना जगाउने उद्देश्यले आयोजना गरिएको कार्यक्रममा परम्परागत बैंकिङ कारोवारबाट आधुनिक शैलिमा रुपान्तरण गर्दा आइपर्ने समस्याहरुका विषयमा जानकारी गराइएको थियो । परम्परागत शैलिलाई आधुनिक शैलिमा रुपान्तरण गर्दा हुने फाइदाहरुका साथै आइपर्न सक्ने समस्याहरुका विषयमा बिशेष जोड दिएर कार्यक्रमको आयोजना गरिएको ग्लोवल आइएमइ बैंक इटहरी शाखाका प्रवन्धक बिनोद कार्कीले प्रदेश खवरलाई जानकारी दिए । पहिलेको तुलनामा डिजिटल बैंकिङले ग्राहकहरुलाई धेरै सजिलो बनाएको छ । तर, सजिलो सँगै चुनौतिहरु पनि त्यतिकै थपिएका छन् । सोही कुरालाई मध्यनजर गर्दै आधुनिक शैलिमा सहज र सुरक्षित तवरबाट आर्थिक कारोवार गर्न वित्तीय साक्षरता कार्यक्रम आयोजना गरिएको प्रवन्धक कार्कीको भनाइ थियो । बिशेष गरी परम्परागत शैलिमा नै आर्थिक कारोवार गर्दै आएका ग्राहकहरुलाई सहभागी गराएर कार्यक्रमको आयोजना गरिएको थियो । कार्यक्रममा करिव १ सय २५ भन्दा माथिको सहभागिता रहेको प्रवन्धक कार्कीले प्रदेश खवरलाई जानकारी दिएका छन् ।