राजनैतिक आग्रह भन्दा माथि उठेर काम गर्दै बराहक्षेत्रका मेयर

बराहक्षेत्र नगरपालिकालाई अबल्ल बनाउने महाअभियानमा होमिएका नगर प्रमुख रमेश कार्कीको लक्ष्य" बराहक्षेत्रलाइ समृद्ध र नगरवासिलाई खुशी" बनाउनु रहेको छ । नगर प्रमुखको पदलाई सवैको साझा प्रतिनिधिको रुपमा बनाएर कार्यसम्पादन गरि रहेका कार्की माथिल्ला दुवै तहका सरकारसंग समन्वय , सहजिकरण र सहयोग लिएर काम गर्न चाहेको बताउँछन् । चतराबाट सुर्यकुण्ड जोड्ने सडक मार्गलाई कालोपत्रे , कुम्भ मेलाको व्यवस्थापन , कोशिमा झोलुगे पुल ,लालपुर्जा , कोशि पिढिँतलाई मुआव्जा लगाएका समस्याको हल संघिय सरकार र वाङ्गे - धरान सडक कालोपत्रे , सोमबारे - चतरा सडक कालोपत्रे , क्याम्पस , अस्पताल लगाएका कामलागि प्रदेस सरकारसंग सहयोगको नगर प्रमुख कार्कीले अपेक्षा गरि रहेका छन् । यसका लागि  सुनसरी - ४ बाट निर्वाचित नेपाली कांग्रेसका ज्ञानेन्द्र बहादुर कार्कीदेखि , सुनसरी - १ बाट निर्वाचित जसपाका अशोक राईसंग पहल कदमि र सहजिकरण गर्न भेटेरै आग्रह गरेका छन् । त्यस्तै सुनसरी - ४ (१) मा प्रदेस सभा तर्फ निर्वाचित नेपाली कांग्रेसका सदानन्द मण्डल , सुनसरी - १(२) प्रदेस सभा तर्फ निर्वाचित नेकपा एमालेका बिजय राई त्यस्तै समानुपातिक प्रणालीबाट प्रदेस सभामा निर्वाचित नेपाली कांग्रेसकि ममता तामाङ्ग र  माओवादी केन्द्रकी सपना परियारलाई भेटेरै औपचारिक रुपमा बराहक्षेत्र नगरपालिकालाई समृद्ध बनाउन चालेको कार्यलाई सहयोग गर्न नगर प्रमुखले कार्कीले आग्रह गरि रहेका छन् । नेपाली कांग्रेसबाट निर्वाचित भए पनि नगर प्रमुख कार्कीले सवै जनताको साझा भएर काम गर्ने अठोट लिएका छन् । विकासमा सवैको समान सहभागीता हुनु पर्छ भन्ने भनाईलाई आत्मसाथ गर्दै नगर प्रमुख कार्की काम गरि रहेका छन् । शिक्षामा सुधार , स्वास्थ्यमा सबैको पहुँच , भौतिक पुर्वाधार लगायतका कामलाई प्रथामितामा राखेका कार्कीले सबैसँग समन्वय र सल्लाह लिएर मात्र काम गर्ने गरेका छन् । बराहक्षेत्रको विकास , समृद्धिकोलागि सबै राजनीतिक  दलहरु एक भएर लाग्नु पर्नेमा जोड दिदै आएका नगर प्रमुख कार्की कुनै एउटा राजनैतिक दलको प्रयत्नले मात्र विकास सम्भव नहुने बताउछन् । विकास, समृद्धीका लागि  सबैले  साझा बुदा बनाउनु पर्ने नगर प्रमुख कार्कीको भनाइ रहेको छ ।  निर्माणाधीन  विकास  निर्माणमा सबैको चासो र खवरदारी आवश्यक रहेको नगर प्रमुख कार्कीको भनाई रहेको छ। नगर प्रमुख कार्कीका अनुसार नगरपालिकाले शिक्षा, स्वास्थ्य , रोजगारी , सडक , पुर्वाधार र धार्मिक क्षेत्रको विकासमा योजना बनाएर काम गर्नेछ । यसकालागि सबैको सहयोग चाहिन्छ । भौतिक निर्माणको पक्षमा सबै खबरदारी आवश्यक छ । बजेट निर्माण गर्दा सकारात्मक र रचनात्मक सहयोग चाहिन्छ । यसकालागि सबै राजनीति दल, बुद्धिजीवी , शिक्षा सेवि , सरोकारवाला पक्षसंग छलफल र परामर्श लिएर मात्र काम गर्ने नगर प्रमुख कार्की बताउछन् ।