चार्टर्ड एकाउन्टेन्ट्स संघ काेशी प्रदेश प्रमुखमा सिए तिर्थ प्रसाद यादव निर्विरोध

विराटनगर : नेपाल चार्टर्ड एकाउण्टेण्ट्स संघ काेशी प्रदेश कार्य समितिकाे प्रमुखमा सिए तिर्थ प्रसाद यादव निर्विरोध भएका छन् । बैशाख २९ गते विराटनगरमा भएकाे ३५ औ कार्य समितिकाे निर्वाचन मार्फत यादव निर्वाचित भएका हुन् । यसैगरी सचीवमा सिए गुलसन राज शर्मा, कोषाध्यक्षमा श्री प्रसाद निरौला तथा सदस्यमा सिए. किन्जल पोखरेल र सिए. रुपा सिघान्ची अग्रवाल निर्बिरोध निर्वाचित भएका छन्  । कोशी प्रदेशका मतदाताहरुका लागि, बिराटनगरमा अवस्थित मेरील्याण्ड  एपलायिड एकेडेमीमा मतदान भएको थियोl केन्द्रका लागि मतदान भएतापनि, प्रदेश तथा जिल्लाका  पदाधिकारी निर्विरोध निर्वाचित भएका हुन् । सुनसरी जिल्ला कार्यसमितिको निर्वाचनबाट  सुनसरी सभापतिमा सिए. शिव कुमार शाह निर्बिरोध निर्वाचित भएका छन् । त्यसैगरि उप-सभापतिमा सिए आशिष अग्रवाल, सचिवमा सिए विवेक शर्मा र कोषाध्यक्षमा सिए मौसम पराजुली निर्बिरोध निर्वाचित भएका हुन्  । सदस्यमा सिए. दिलिप कुमार मेहता, सिए पारस कुमार बिस्वास, सिए. मनोज कुमार मेहता र सिए. आयुषा गुप्ता निर्वाचित भएका छन्  । त्यस्तै संघको ३५ औं केन्द्रिय कार्यसमितिको निर्वाचनबाट अध्यक्षमा सिए. अरुण राउत , उपाध्यक्ष सिए. अनुप नेपाल (निर्विरोध), महासचिवमा सिए. संजिता नेपाल , कोषाध्यक्षमा सिए. दिलीप खनाल, सदस्यहरुमा सिए. भरत सुबेदी, सिए. नवराज गौतम, सिए. सौरभ अधिकारी, सिए. अनुप अर्याल, सिए. घनश्याम ओली र महिला सदस्य सिए दृष्टि पौडेल निर्वाचित भएका छन्  । पदाधिकारीहरुको कार्यकाल दुई वर्षको रहनेछ । वि. सं २०३४ सालमा स्थापना भएको नेपाल चार्टर्ड एकाउन्टेन्ट्स संघ (एक्यान) संघमा दुई हजार पाँच सय भन्दा बढी सक्रिय सदस्य रहेका छन । संघले लेखा व्यावसाय पेशाको विकास, प्रवर्द्धन, संरक्षण, यसका सदस्यहरूलाई एकताबद्ध बनाउने र उनीहरूको हितको रक्षा गर्ने लक्ष्य राखेको छ ।