वर्षा नरोकिएपछि पाँचथरको मिक्लाजुङमा स्कुल बिदा

पाँचथर :  निरन्तर वर्षा सँगै बाढी पहिरोको जोखिम बढे पछि पाँचथरको मिक्लाजुङ गाउँपालिकाले असोज ११ गते शुक्रवार पालिका भरिका स्कुलमा बिदा दिएको छ । दुई दिन अघि देखि भइरहेको वर्षा सँगै ठाउ ठाउमा पहिरो र ढिस्का लड्नुका साथै खोला खोल्सामा बाढीको जोखिम बढेको भन्दै गाउँपालिकाले शुक्रवार विद्यालय बन्द गर्ने निर्णय गरेको हो । गाउँपालिका अध्यक्ष अमरराज माखिमले सार्वजनिक सूचना जारी गर्दै गाउँपालिकाका सडकहरू अवरुद्ध भएकाले बालबालिका स्कुल आउँदा जाँदा जोखिम बढ्ने भन्दै बिदा दिने जानकारी गराएका हुन । मिक्लाजुङ गाउँपालिकामा तीन वर्ष अघि कात्तिक १ देखि ३ गते सम्म परेको अविरल झरिका कारण २९ जनाको ज्यान जानका साथै सयौँ घर भत्केका थिए