विराटनगर : प्रेस चौतारी नेपाल कोशी प्रदेशको अध्यक्षमा सुनसरी निवासी सुमन पुरी निर्विरोध निर्वाचित भएका छन् ।
विराटनगरमा बुधबार सम्पन्न दोश्रो प्रदेश अधिवेशनले अध्यक्षमा पुरीलाई निर्विरोध निर्वाचित गरेको हो । उनी यसअघि उपाध्यक्ष थिए । पुरीको नेतृत्वमा ४९ सदस्यीय कार्यसमिति निर्विरोध निर्वाचित गरेका हो ।
उपाध्यक्षमा युवराज विवश, महिला उपाध्यक्षमा ज्योति चौहान, महासचिवमा बाबुराम भण्डारी र कोषाध्यक्षमा विशाल नेम्वाङ निर्वाचित भएका छन् ।
यसैगरी सचिवमा रविन कट्टेल, दिनेश सुब्बा, भोला श्रेष्ठ, मञ्जु डाँगी, गणेश विष्ट र लक्ष्मी उप्रेती निर्वाचित भएका छन् ।
अधिवेशनमा प्रेस चौतारी नेपाल अध्यक्ष गणेश बस्नेत, एमाले स्थायी कमिटी सदस्य तथा प्रचार तथा प्रकाशन विभाग प्रमुख राजेन्द्र गौतम, कोशी प्रदेश मुख्यमन्त्री हिक्मतकुमार कार्की, प्रेस चौतारी नेपालका उपाध्यक्ष गणेश पाण्डे, राजेश राई, हिरामान लामा लगायतको सहभागिता रहेको थियो ।
अधिवेशनमा आयोजक र प्रतिनिधि गरी एक सय ५६ जनाको सहभागिता रहेको प्रेस चौतारी नेपाल केन्द्रीय निर्वाचन समितिका अध्यक्ष गणेश खनालले जानकारी दिए ।
युनिकोड
मिति रूपान्तरण
प्रदेश खबर
प्रतिक्रिया